![](https://cdn.dhauru.com/s3/media/2022/08/23/043413-tan%20hag.jpg?fit=crop-50-50&w=1400&h=800)
މެންޗެސްޓަ ޔުނައިޓެޑްގެ އާ ކޯޗު އެރިކް ޓެން ހޭގް
ޔުނައިޓެޑަށް ބޭނުންވަނީ 'ހިތުގެ އޮޕަރޭޝަނެއް' ކަމަށް ރަންގްނިކް ބުނީ ރަނގަޅަށް: ޓެން ހެގް
މެންޗެސްޓަ ޔުނައިޓެޑް އޮތީ ކްލަބް ތެރޭގައި ހުރި ކުދިކުދި ކަންކަން ހައްލުކޮށްގެން ރަނގަޅުކުރެވޭ ވަރަށް ވުރެ މާ ދެރަ ހާލެއްގައި ކަމަށާއި އެ ކްލަބަށް ބޭނުންވަނީ 'ހިތުގެ އޮޕަރޭޝަނެއް' ކަމަށް ކުރީގެ ކޯޗު ރާލްފް ރަންގްނިކް ބުނީ ރަނގަޅަށް ކަމަށް މިހާރުގެ ކޯޗު އެރިކް ޓެން ހޭގް އެއްބަސްވެއްޖެ އެވެ.
ޔުނައިޓެޑްގެ ކޯޗުކަމާ 2022ގައި ޓެން ހޭގް ހަވާލުވީ ރަންގްނިކްގެ ހަތް މަސް ދުވަހުގެ ވަގުތީ ޒިންމާއަށް ފަހު އެވެ. އޭނާގެ ކޯޗުކަމުގައި ޔުނައިޓެޑް ކުޅުނު 29 މެޗުގެ ތެރެއިން ކާމިޔާބުކުރެވުނީ އެންމެ 11 މެޗެވެ.
"ރަންގްނިކް އެ ބުނީ ހަމަ އެންމެ ރަނގަޅަށް،" ޓެން ހޭގް ބުންޏެވެ.
![](https://cdn.dhauru.com/s3/media/2023/12/27/5d77e52d-0726-49bf-a101-9fb87ad7abe4.jpg?h=800)
އޭނާ ބުނި ގޮތުގައި މިދިއަ ދެ އަހަރު ޔުނައިޓެޑް ހަމަޔަކަށް އަޅުވަން ވަރަށް ބުރަކޮށް ވަނީ މަސައްކަތްކޮށްފަ އެވެ. އެހެންކަމުން ބޭނުންވަނީ، ރަންގްނިކް ބުނި ގޮތަށް، ވަރަށް ބޮޑު އޮޕަރޭޝަނެއް ކަމަށް، ޓެން ހޭގް އެއްބަސްވި އެވެ.
"މި މަގާމާ ހަވާލުވި އިރު ވެސް އަހަންނަށް އެނގޭ މިއީ ވަރަށް އުނދަގޫ ކަމެއްކަން،" ޓެން ހޭގް ބުންޏެވެ.
މިދިއަ ސީޒަންގައި ޔުނައިޓެޑް ނިންމީ ތާވަލްގެ އަށް ވަނާގައި އޮވެގެންނެވެ. މިހާރު އޮސްޓްރިއާގެ ގައުމީ ޓީމުގެ ކޯޗަކަށް ހުރި ރަންގްނިކްގެ ބެލުމުގެ ދަށުން ޔުނައިޓެޑްގެ ސީޒަން ނިންމާލީ ހަ ވަނާގައި އޮވެ އެވެ.
އާ ސީޒަންގެ ޕްރިމިއަ ލީގުގެ ފުރަތަމަ މެޗުގައި ޔުނައިޓެޑް ނުކުންނާނީ 17 އޮގަސްޓްގައި ފުލަމްއާ ދެކޮޅަށެވެ.