ރޮނާލްޑޯއަށް މިހާރު ވެސް އެތައް ރެކޯޑެއް، އެކަމަކު ދެން ވެސް އާ ރެކޯޑްތައް ހެދެން އޮތީ އޭނާއަށް

ޔޫރޯ ފުޓްބޯޅަ މުބާރާތް ފެށެން ކައިރިވާ އިރު އެއް ކުޅުންތެރިޔަކާ ބެހޭ ވާހަކަތައް މީޑިއާގައި ގިނަވެ އެވެ. ސަބަބުތަކެއް ނެތިއެއް ނޫނެވެ. ޕޯޗުގަލްގެ ކްރިސްޓިއާނޯ ރޮނާލްޑޯއާ ގުޅިފައި ހުރި ރެކޯޑްތަކާއި އާ ރެކޯޑްތައް ހަދަން އޭނާއަށް އޮތް ފުރުސަތު ވެސް ބޮޑެވެ.

މިހާތަނަށް ޔޫރޯއާ ގުޅޭ ބައެއް ރެކޯޑްތައް ހުރީ، 39 އަހަރުގެ ފޯވަޑްގެ އަތުގަ އެވެ. އެގޮތުން:

ޔޫރޯގައި ރޮނާލްޑޯ އެންމެ ފުރަތަމަ ކުޅެން ފެށީ އުމުރުން އެންމެ 19 އަހަރުގައި 2004ގަ އެވެ. އަމިއްލަ ގައުމުގައި އޮތް މުބާރާތުގެ ފައިނަލަށް ވެސް ޕޯޗުގަލް އެފަހަރު ދަތުރުކުރި އެވެ. ނަމަވެސް ގްރީސް އަތުން ފައިނަލްގައި ބަލިވީ އެވެ.

މިހާތަނަށް ޔޫރޯގެ ފަސް މުބާރާތުގައި ރޮނާލްޑޯ ކުޅެފި އެވެ. އަނިޔާއެއް ނުވެއްޖެ ނަމަ މިއީ ހަ ވަނަ މުބާރާތެވެ.

މި ފަހަރުގެ މުބާރާތުގައި ރޮނަލްޑޯއަށް ކުޅެވޭ ނަމަ އޭނާއަށް ހެދެން ހުރި ރެކޯޑްތައް ވެސް އެބަ ހުއްޓެވެ. އެގޮތުން ފާހަގަކޮށްލެވޭ ބައެއް ރެކޯޑްތަކަކީ:

މި ރެކޯޑް މިހާރު އޮންނަނީ ޕޯޗުގަލްގެ ކުރީގެ ތަރި ލުއިސް ފީގޯ އަތުގަ އެވެ. އޭނާ ވަނީ 42 ފުރުސަތު އުފައްދައިފަ އެވެ. ރޮނާލްޑޯގެ ޖުމްލައަކީ 41 އެވެ. އެހެންކަމުން އެ ރެކޯޑް މުގުރާލުން އޮތީ އަތުޖެހޭ ހިސާބުގަ އެވެ.

ދެން ހެދިދާނެ އަނެއް ރެކޯޑަކީ ޔޫރޯގައި ލަނޑު ޖަހާ އެންމެ ދޮށީ ކުޅުންތެރިޔާގެ ރެކޯޑެވެ. މިހާތަނަށް އެ ރެކޯޑް އޮތީ އޮސްޓްރިއާގެ އިވިކާ ވަސްޓިޗު އަތުގަ އެވެ. ޕޯލެންޑް ކޮޅަށް 2008ގައި އޭނާ ލަނޑު ޖެހި އިރު އުމުރަކީ 38 އަހަރެވެ.

ކުރިއަށް އޮތް މުބާރާތުގައި ކުޅޭ އެންމެ ދޮށީ ކުޅުންތެރިޔަކީ ރޮނާލްޑޯއެއް ނޫނެވެ. ޕޯޗުގަލްގެ ދިފާއީ ކުޅުންތެރިޔާ 41 އަހަރުގެ ޕެޕޭ ވަނީ ސްކޮޑަށް ނަގައިފަ އެވެ. އެކަމަކު މިއީ އާންމުކޮށް ލަނޑު ޖަހާ ކުޅުންތެރިޔަކަށް ނުވާތީ، ރޮނަލްޑޯއަށް އޮތް ފުރުސަތު ބޮޑުވަނީ އެވެ.