ޔުނައިޓެޑަށް ބޮޑު ބައްޔެއް، ސިޓީ ހަމަ އެގޮތުގައި އެކެއްގައި

އަމިއްލަ ދަނޑުގައި ބްރައިޓަން އަތުން 3-1 އިން މެންޗެސްޓަ ޔުނައިޓެޑް ބަލިވެ، ފަސް މެޗުން އެންމެ ހަ ޕޮއިންޓާ އެކު 13 ވަނައަށް ސޮއްސާލުމަކީ، ސަޕޯޓަރުންނަށް ބަލަން އުނދަގޫ މަންޒަރެކެވެ. އެހެންކަމުން ކޯޗު އެރިކް ޓެން ހޭގްއަށް މަލާމާތްކުރުމުގެ ގޮތުން އަޑު ލެއްވުމަކީ، މާ ބޮޑު މައްސަލައެއް ކަމަކަށެއް ނުފެނެ އެވެ.

ރޭގެ މެޗުގައި ޔުނައިޓެޑަށް ސުން ކަނޑުވާލެވުނީ ވެސް ތާވަލްގެ ހަތަރު ވަނައަށް ޖެހިލި، ބްރައިޓަން ތިން ލަނޑު ޖެހި ފަހުން، 73 ވަނަ މިނިޓްގަ އެވެ. ބާކ ީ17 މިނިޓްގައި ވެސް ނުރައްކާކުރީ ބްރައިޓަން އެވެ.

މިއީ އިނގިރޭސި ޕްރިމިއަ ލީގުގައި 15-2014ގެ ފަހުން ޔުނައިޓެޑްގެ އެންމެ ދަށް ފެށުމެވެ. ހަމައެކަނި ޕޮއިންޓް މަދުވުން އެކަންޏެއް ނޫނެވެ. ފުރަތަމަ ހަތަރު މެޗުގައި އެއް ލަނޑަށް ވުރެ ގިނައިން ގޯލަށް ވަދެފައި ވުމަކީ 1979ގެ ފަހުން ފެނުނު އެފަދަ ފުރަތަމަ ތަޖުރިބާ އެވެ.

ލީގުގެ ފުރަތަމަ ކޮޅު މި ތަފާތު ނަތީޖާތަކާ ޔުނައިޓެޑުން ކުރިމަތިލި އިރު އަމިއްލަ ސިޓީގެ ބޮޑު ވާދަވެރިޔާ އަދި މިދިއަ ތިން އަހަރުގެ ޗެމްޕިއަން މެންޗެސްޓަ ސިޓީ އެ ގެންދަނީ އެ ކްލަބްގެ ގޮތުގައި ހިފަހައްޓަމުންނެވެ.

ރޭ ވެސްޓް ހެމްގެ ދަނޑުގައި، ވެސްޓް ހެމުން ފުރަތަމަ ހާފުގައި ލަނޑު ޖަހާ ކުރި ހޯދާފައި އޮއްވާ ފަހު ހާފުގައި ތިން ލަނޑު ކާމިޔާބުކޮށް 3-1 އިން މޮޅުވުމަކީ، ފަސް މެޗުން 15 ޕޮއިންޓް ހޯދުމެވެ. ތާވަލްގައި ސިޓީ އޮތީ 11 ގޯލުގެ ފައިދާއާ ވެސް އެކުގަ އެވެ.