އުކުޅަހު ކޯޓުގެ އިސް މެޖިސްޓްރޭޓް ސަސްޕެންޑްކޮށްފި

އއ. އުކުޅަހު މެޖިސްޓްރޭޓް ކޯޓުގެ އިސް މެޖިސްޓްރޭޓް އަހުމަދު މުއާވިޔަތު ގާސިމް ސަސްޕެންޑްކޮށްފި އެވެ.

ވީކިހިނެއް؟ - ޖުޑީޝަލް ސާވިސް ކޮމިޝަން (ޖޭއެސްސީ) އިން އެ މެޖިސްޓްރޭޓް ސަސްޕެންޑްކުރީ 28 ނޮވެމްބަރުގައި ކަމަށް އެ ކޮމިޝަނުން ބުންޏެވެ.

ތަފްސީލް - އެ ކޮމިޝަނުގެ ވެބްސައިޓުގައިވާ ގޮތުން މެޖިސްޓްރޭޓް ސަސްޕެންޑް ކުރުމަށް ނިންމީ ތަހުގީގަށް ހުށަހަޅާފައިވާ ހެކިތަކަށް ރިއާޔަތްކޮށް، މަގާމުގައި ދެމިހުރެއްޖެ ނަމަ މައްސަލަ ތަހުގީގު ކުރުމަށް އެޅިދާނެ ހުރަަކަށް ބަލައިފަ އެވެ.

ސަސްޕެންޑްކުރީ މައްސަލަ ބަލައި ނިމެންދެން ކަމަށް ޖޭއެންސީން ބުނެފައިވެ އެވެ. ނަމަވެސް ސަސްޕެންޑްކުރީ މުސާރަ ލިބޭ ގޮތަށް ކަމެއް ނުވަތަ ނޫން ކަމެއް ނޭނގެ އެވެ.

އެނގުން މުހިންމު - ޖޭއެސްސީން މިހާރު ގެންގުޅޭ ސިޔާސަތަކީ މައްސަލައެއް ފަނޑިޔާރެއްގެ މައްޗަށް ސާބިތުވާ ހާލަތުގައި މެނުވީ ތުހުމަތު ކުރެވޭ މައްސަލައިގެ ތަފުސީލުތައް ހާމަނުކުރުމެވެ.