އޭސީސީގެ މޮބިލިޓީ އާއި ހިންގުމުގެ ކެޕޭސިޓީ އިތުރުކުރާ މަޝްރޫއުގެ އެކްސްޗޭންޖް އޮފް ނޯޓްސްގައި ރާއްޖެ އާއި ޖަޕާނު ސަރުކާރުން ސޮއިކުރުން. (ފޮޓޯ/ފޮރިން މިނިސްޓްރީ)
އޭސީސީ ހަރުދަނާކޮށް، ކޮރަޕްޝަން ހުއްޓުވަން ޖަޕާނުން 30 މިލިއަން ރުފިޔާގެ ހިލޭ އެހީއެއް
އެންޓި ކޮރަޕްޝަން ކޮމިޝަން (އޭސީސީ)ގެ މޮބިލިޓީ އާއި ހިންގުމުގެ ކެޕޭސިޓީ އިތުރުކުރާ މަޝްރޫއުގެ އެކްސްޗޭންޖް އޮފް ނޯޓްސްގައި ސޮއިކޮށްފި އެވެ.
ވީ ކިހިނެއް؟ - މިއަދު ފޮރިން މިނިސްޓްރީގައި ބޭއްވި ރަސްމިއްޔާތުގައި އެކްސްޗޭންޖް އޮފް ނޯޓްސްގައި ސޮއިކުރެއްވީ:
-
ފޮރިން މިނިސްޓަރު ޑރ. އަބްދުﷲ ހަލީލު
-
ޖަޕާނުން ރާއްޖެއަށް ކަނޑައަޅާފައި ހުންނަވާ ސަފީރު ތަކެއުޗީ މިދޮރީ
ތަފްސީލު - މިއީ ޖަޕާނު ސަރުކާރުގެ އިކޮނޮމިކް އެންޑް ސޯޝަލް ޑިވެލޮޕްމަންޓް ޕްރޮގްރާމްގެ ދަށުން ކުރިއަށް ގެންދިއުމަށް ހަމަޖެހިފައިވާ މަޝްރޫއެކެވެ.
މި އެއްބަސްވުމުގެ ދަށުން ޖަޕާން ސަރުކާރުން ހިލޭ އެހީގެ ގޮތުގައި 300 މިލިއަން ޖަޕާނީސް ޔެން (2.1 މިލިއަން އެމެރިކާ ޑޮލަރު ނުވަތަ 33 މިލިއަން ރުފިޔާ) ދިނުމަށް ވަނީ ނިންމާފަ އެވެ.
އެ ރަސްމިއްޔާތުގައި މިނިސްޓަރު ހަލީލު ވިދާޅުވީ ކޮރަޕްޝަންއާ ދެކޮޅަށް ރާއްޖެއިން ކުރަމުން އަންނަ މަސައްކަތްތަކުގެ ހިންގުން ހަރުދަނާކުރުމުގައި މި މަޝްރޫއު މުހިންމު ވާނެ ކަމަށެވެ.
އެގޮތުން މި މަޝްރޫއަކީ، ހަލީލު ވިިދާޅުވި ގޮތުގައި ރާއްޖޭގައި ކޮރަޕްޝަނާ ދެކޮޅަށް ހަރުދަނާ ފިޔަވަޅުތަކެއް އަޅައި، ހާމަކަން ބޮޑު ދެފުށް ފެންނަ، ޒިންމާދާރު ސަރުކާރެއް ބިނާކުރަން އެޅޭ މުހިންމު ފިޔަވަޅެކެވެ.
ރާއްޖޭގެ މުއައްސަސާތައް ހަރުދަނާ ކުރުމާއި ތަރައްގީގެ ދަތުރުގައި ޖަޕާނުން އަދާކުރާ މުހިންމު ދައުރު ފާހަގަކުރައްވައި ހަލީލު ވަނީ އެ ގައުމުގެ ސަރުކާރަށް ޝުކުރު އަދާކުރައްވާފަ އެވެ.
ކޮމެންޓް