މުޒާހަރާ ކުރި ބިދޭސީން ހައްޔަރުކުރަނީ (ފޮޓޯ/ފުލުހުން)
މުޒާހަރާކުރި ބިދޭސީންގެ ހައްގުތަކެއް ގެއްލުނުތޯ ލޭބާ ރިލޭޝަންސް އޮތޯރިޓީން ބަލަނީ
މުސާރަ ނުދޭ ކަމަށް ބުނާ މައްސަލައެއްގައި މުލިއާގޭ ދޮށުގައި މުޒާހަރާ ކުރި 55 ބިދޭސީންގެ ހައްގުތަކެއް ގެއްލިފައިވޭތޯ ލޭބާ ރިލޭޝަންސް އޮތޯރިޓީ (އެލްއާރުއޭ) އިން ބަލަން ފަށައިފި އެވެ.
ވީ ކިހިނެއް؟ - މުސާރަ ނުދޭ ކަމަށް ބުނެ މުލިއާގޭ ދޮށަށް އެ ބިދޭސީން އެއްވެފައި ވަނީ ހެނދުނު 11 ޖަހާކަންހާއިރު އެވެ.
ފުލުހުން ބުނީ މުޒާހަރާ ކުރީ:
-
އިންޑިއާއަށް ނިސްބަތްވާ 38 މީހުން
-
ބަންގްލަދޭޝްއަށް ނިސްބަތްވާ 17 މީހުން
ބުނީ ކީކޭ؟ - އިމިގްރޭޝަން ކޮންޓްރޯލަރު މުހައްމަދު ޝަމްއާން ވަހީދު 'އެކްސް'ގައި ކުރެއްވި ޕޯސްޓެއްގައި ވިދާޅުވީ އެ ބިދޭސީންގެ ހައްގުތަކެއް ގެއްލިފައިވާ ކަމަށް އެ މީހުން ބުނަމުންދާތީ އެ މައްސަލަ ބަލަން އެލްއާރުގެ ބޭފުޅުން ވެސް އިމިގްރޭޝަންގެ ޑިޓެންޝަން ސެންޓަރުގައި ހަރަކާތްތެރިވަމުންދާ ކަމަށެވެ.
"މި މައްސަލައާ ގުޅިގެން ބަލަންޖެހޭ ކަންކަން މިވަގުތު ދަނީ ބަލަމުން އަދި މި ބިދޭސީންނާ މެދު އަޅަންޖެހޭ ފިޔަވަޅެއް އަޅާނީ މައްސަލަ އެއްކޮށް ތަހުގީގުކޮށް ނިމުމުން. މި ބިދޭސީންގެ ހައްގުތަކެއް ގެއްލިފައިވާ ކަމަށް އެފަރާތްތަކުން ބުނަމުންދާތީ، މިވަގުތު ލޭބާ ރިލޭޝަންސް އޮތޯރިޓީގެ ބޭފުޅުން ވެސް ދަނީ އިމިގްރޭޝަންގެ ޑިޓެންޝަން ސެންޓަރުގައި ހަރަކާތްތެރިވަމުން." ޝަމްއާން ލިޔުއްވާފައިވެ އެވެ.
މުޒާހަރާ ކުރީ ކޮން ތަނެއްގައި މަސައްކަތްކުރާ ބިދޭސީންނެއް ކަމެއް ނޭނގެ އެވެ.
ކޮމެންޓް