ރާއްޖެ އައިސީޖޭގައި: 'މޫސުމީ ބަދަލުތަކާ ގުޅިގެން ކުދި ގައުމުތަކަށް އެހީ ލިބެން ޖެހޭ'

މޫސުމަށް އަންނަ ބަދަލުތަކުގެ ސަބަބުން ދިގު މުއްދަތުގައި ކުރާ އަސަރުތަކަށް ރާއްޖެ ނާޒުކު މިންވަރު ބަޔާންކުރައްވައި، މިފަދަ ގައުމުތަކަށް ބައިނަލްއަގްވާމީ މުޖުތަމައުއިން އެހީ ފޯރުކޮށްދިނުމަށް ބަންޑާރަ ނައިބު އަހްމަދު އުޝާމް ރާއްޖޭގެ ފަރާތުން އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ)ގައި ގޮވާލައްވައިފި އެވެ.

ވީ ކިހިނެއް؟ - މޫސުމަށް އަންނަ ބަދަލުތަކުގެ މައްސަލައިގައި ގައުމުތަކުގެ މަސްއޫލިއްޔަތުތަކާ ގުޅޭގޮތުން އައިސީޖޭގެ އިސްތިޝާރީ ލަފަޔަކަށް އެދި އދ.ގެ އާންމު މަޖިލީހުން ހުށަހަޅާފައިވާ މައްސަލައިގައި މިއަދު ބޭއްވި އަޑުއެހުމުގައި އުޝާމް ވަނީ ރާއްޖޭގެ ބަޔާން އިއްވަވައިފަ އެވެ.

ތަފްސީލް - މޫސުމަށް އަންނަ ބަދަލުތަކުގެ ސަބަބުން ދިގު މުއްދަތެއްގެ ތެރޭގައި ކުރާ އަސަރުތަކަށް ރާއްޖެ ނުހަނު ނާޒުކުކަން ފާާހަގަކުރައްވައި އުޝާމް ވިދާޅުވީ އެފަދަ ކަންކަމުގެ ސަބަބުން ދިވެހި ރައްޔިތުން ދިރިއުޅޭ ތަން ބަދަލުކުރަން މަޖުބޫރުވުމާ ރާއްޖެއިން ދެކޮޅު ކަމަށެވެ. އަދި ބައިނަލްއަގްވާމީ މުޖުތަމައުއިން ރާއްޖެ ފަދަ ނާޒުކު ގައުމުތަކަށް އެހީ ފޯރުކޮށްދިނުމަށް އޭނާ ގޮވާލެއްވި އެވެ.

މޫސުމީ ބަދަލުތަކުގެ މައްސަލައިގައި ކެނޑިނޭޅި ވަކާލާތު ކުރެއްވުމުގައި ރައީސް މުހައްމަދު މުއިއްޒު އިސްނަންގަވަމުން ގެންދަވާކަން އުޝާމް ފާހަގަކުރެއްވި އެވެ.

މިއަދުގެ އަޑުއެހުމުގައި ރާއްޖެ ތަމްސީލުކުރެއްވި ބައިނަލްއަގްވާމީ ވަކީލުން ހުށަހެޅުއްވި ބަޔާންތަކުގައި:

އެނގުން މުހިންމު - މިއީ މޫސުމީ ބަދަލުތަކުގެ މައްސަލައިގައި ގައުމުތަކުގެ މަސްއޫލިއްޔަތުތަކާ ގުޅޭގޮތުން އުފެދޭ ގާނޫނީ ބައެއް ސުވާލުތަކާ ބެހޭގޮތުން އައިސީޖޭގެ ގާނޫނުގެ 65 ވަނަ މާއްދާއާ އެއްގޮތްވާ ގޮތުގެ މަތިން އެ ކޯޓުގެ އިސްތިޝާރީ ލަފައެއް ހޯދުމަށް އެދި އދ.ގެ 77 ވަނަ އާންމު މަޖިލީހުގެ ގަރާރެއްގެ ދަށުން ހުށަހަޅާފައިވާ މައްސަލައެކެވެ.

މި މައްސަލައިގައި ކުރިއަށްދާ، އާންމުކޮށް ހުޅުވާލައިގެން ބާއްވާ އަޑުއެހުންތަކުގައި ބައިވެރިވެ، ބަޔާނެއް ހުށަހެޅުމުގެ ފުރުސަތު ގައުމުތަކަށާއި ބައިނަލްއަގްވާމީ ޖަމިއްޔާތަކަށް ވަނީ ހުޅުވާލާފަ އެވެ.