ޑްރަގު ބިލު؛ ޑްރަގަށް ފަރުވާ ދެވޭ ނިޒާމެއް ޖަލުގައި ގާއިމުކުރާ ގޮތަށް ހަދަނީ

ފުލުހުންގެ ބަންދުގައި ތިބޭ މީހުންގެ ތެރެއިން މަސްތުވާތަކެއްޗަށް ދެވި ހިފާފައިވާ މީހުންނަށް ފަރުވާ ދިނުމަށް ވަކި ރިމާންޑު ސެންޓަރަކަށް ގެންދިއުމުގެ ބަދަލުގައި ސީދާ ޖަލުން ފަރުވާ ދެވޭނެ ނިޒާމެއް ގާއިމުކުރަން ޖެހޭ ގޮތަށް މަސްތުވާތަކެތީގެ ގާނޫނަށް އިސްލާހު ގެންނަން ސަރުކާރުން ހުށަހެޅި ބިލުގައި ހިމަނައިފި އެވެ.

ވީކިހިނެއް؟ - ފުލުހުންގެ ބަންދުގައި ތިބޭ މަސްތުވާތަކެއްޗަށް ފަރުވާ ހޯދަން ޖެހޭ މީހުންނާއި ޑްރަގު ކޯޓުން ފަރުވާ ދިނުމަށް ކަނޑައަޅާ  މީހުން މިހާރު ބައިތިއްބަން ޖެހެނީ ޑްރަގު ރިމާންޑު ސެންޓަރު ކިޔާ ތަނެއްގަ އެވެ.

ސަރުކާރުގެ ފަރާތުން ގަމު ދާއިރާގެ މެންބަރު ޔޫސުފް ނަޝީދު ހުށަހެޅުއްވި ބިލުގައި ވަނީ ގާނޫނުގައި އޮތް އެ ސެންޓަރު ބަޔާންކުރާ މާއްދާ އުވާލުމަށެވެ. ނަތީޖާއަކީ އެ ސެންޓަރުތައް އުވިގެން ދިޔުމެވެ.

ތަފްސީލް - އޭގެ އިތުރުން ޖަލުގައި ބަންދުކޮށްފައިވާ، މަސްތުވާތަކެއްޗަށް ފަރުވާ ހޯދަން ޖެހޭ މީހުން ސެންޓަރަށް ބަދަލުކުރަން ވާނެ ކަމަށް ގާނޫނުގައި ބުނާ މާއްދާ ވަނީ ޖަލުން ފަރުވާ ދޭން ޖެހޭނެ ކަމަށް ބަދަލުކޮށް އޭގެ އިތުރު ތަފްސީލްތަކެއް ހިމަނައިފަ އެވެ. އެގޮތުން:

ފާހަގަކޮށްލެވޭ ކަމެއް - މި ސަރުކާރުގެ ސިޔާސަތަކީ މަރުކަޒީ އެއް ޖަލު ގާއިމުކޮށް، އެ ތަނުން ކުށްކުރާ މީހުން ގިންތިކޮށްގެން އަދަބު ތަންފީޒުކުރުމާއި ކުށުން ދުރުކޮށް މީހާ ރަނގަޅުކުރުމުގެ ޕްރޮގްރާމްތައް ހިންގުމެވެ. ޑްރަގު ރިމާންޑު ސެންޓަރުތައް އުވާލުމަށް ހިމެނީ އެ ސިޔާސަތުގެ ތެރެއިން ކަމަށް ބެލެވެ އެވެ.