މޫސުން ގޯސް ދުވަހެއް (ދައުރު ފޮޓޯ/ އަބްދުﷲ އަނޫފް ޖުނައިދް)
ރާއްޖޭގެ އިރުން 2 ކޮޅިގަނޑު އުފެދި ބުދަ ދުވަހުން ފެށިގެން 5 ދުވަހަށް މޫސުން ގޯސް
ރާއްޖޭގެ އިރުން ދެ ކޮޅިގަނޑު އުފެދި، ބުދަ ދުވަހުން ފެށިގެން ކުރިއަށް އޮތް ފަސް ދުވަހަށް ވައިގަދަވެ މޫސުން ގޯސްވާނެ ކަމަށް މޫސުމާ ބެހޭ ގައުމީ އިދާރާ މެޓް އޮފީހުން މިއަދު ލަފާކޮށްފި އެވެ.
ވީ ކިހިނެއް؟ - ރާއްޖޭގެ އިރުން ދެ ކޮޅިގަނޑު އުފެދިފައިވާތީ މޫސުން ކުރިއަށް ލަފާކުރާ ގޮތް ބަޔާންކޮށް މެޓް އޮފީހުން ދެންމެ ބަޔާނެއް ނެރެފައިވެ އެވެ.
ތަފްސީލް - ބަޔާނުގައި ފާހަގަކޮށްފައިވާ ދެ ކޮޅިގަނޑަކީ:
-
އިރުން ބޭ އޮފް ބެންގާލްގައި އުފެދި، ހުޅަނގު އުތުރަށް އިންޑިއާގެ ޓެމިލްނާޑޫ އާއި ސްރީ ލަންކާގެ އައްސޭރިފަށާ ދިމާއަށް ދަތުރުކުރަމުންދާ ކޮޅިގަނޑެއް
-
ރާއްޖެއާ ދުރުން، އިރުދެކުނުން ވެސް ބާރުގަދަ ކޮޅިގަނޑެއް
މި ދެ ކޮޅިގަނޑުގެ ސަބަބުން ބުދަ ދުވަހުން ފެށިގެން ކުރިއަށް އޮތް ފަސް ދުވަހަށް ވައި ގަދަވާނެ ކަމަށާއި އޭގެ ސަބަބުން ކަނޑުތައް ގަދަވާނެ ކަމަށް ބަޔާނުގައި ބުނެފައިވެ އެވެ. އެގޮތުން:
-
ރާއްޖޭގެ ދެކުނުގެ އަތޮޅުތަކަށް ގަޑިއަކު 15 މޭލާއި 25 މޭލާ ދެމެދުގެ ބާރުމިނުގައި ވައިޖެހޭނެ
-
ރާއްޖޭގެ އުތުރާއި މެދުރާއްޖޭގެ އަތޮޅުތަކަށް ގަޑިއަކު 13 މޭލާއި 23 މޭލާ ދެމެދުގެ ބާރުމިނުގައި ވައިޖެހޭނެ
ކޮމެންޓް