ލަމްހާ ބަންދުން ދޫކޮށްލި މައްސަލަ ހައި ކޯޓުގައި އިސްތިއުނާފުކޮށްފި

އައިޖީއެމްއެޗުގައި މަސައްކަތް ކުރި ފިލިޕީންސްގެ ނަރުހެއް ކަމަށްވާ މޭރީ ގްރޭސް އޮނެޑް ޕިނެޑާގެ މަރުގެ މައްސަލާގައި ޝަރީއަތް ނިމެންދެން ބަންދުކޮށްފައިވާ ހަލީމަތު ލަމްހާ އަބްދުއްރަހްމާނު ބަންދުން ދޫކޮށްލަން ކްރިމިނަލް ކޯޓުން އަމުރުކުރި ކުރުން ދައުލަތުން ހައި ކޯޓުގައި އިސްތިއުނާފުކޮށްފި އެވެ.

ވީކިހިނެއް؟ - ހައި ކޯޓުގެ ރަޖިސްޓްރީން ދައްކާ ގޮތުގައި ކްރިމިނަލް ކޯޓުގެ އަމުރު އިސްތިއުނާފުކުރީ މިދިޔަ ބުރާސްފަތި ދުވަހުގަ އެވެ.

ތަފްސީލް - ލަމްހާ ބަންދުން ދޫކޮށްލީ ތިން މަސްދުވަހުގެ މުއްދަތަކަށް ޝަރުތުތަކާ އެކު އެވެ. ލަމްހާ ބަންދުން ދޫކޮށްލި ޝަރުތުތަކަކީ:

އެނގުން މުހިންމު - މޭރީ މަރުވީ ދަންޖެހިގެން ކަމަށް އޭނާގެ ފިރިމީހާ މާވިން އެސްވައި ވާގަސް ރިޕޯޓުކުރި ނަމަވެސް ޕޯސްޓްމޯޓަމް ރިޕޯޓުން ވެސް ދެއްކީ އޭނާ މަރުވީ ބޮލަށާއި ކަރަށް ހަމަލާދީ، އޭނާގެ ނޭވާ ހާސްކޮށްލައިގެން ކަމަށެވެ.

އެގޮތުން، 19 އޮކްޓޯބަރު 2021ގައި ގްރޭސް ދަންޖެހިގެން މަރުވި ކަމަށް ބުނެ މާވިން ރިޕޯޓް ކުރިޔަސް ތުހުމަތު ކުރެވޭ ކަންކަން ހުރުމުން ފުލުހުން ތަހުގީގު އިތުރަށް ހިންގަމުން ދިޔައީ އެވެ.

ގްރޭސް މަރާލި ކަމުގެ ތުހުމަތުގައި މާވިން ހައްޔަރު ކުރީ އެ އަހަރުގެ 27 އޮކްޓޯބަރުގަ އެވެ. ލަމްހާ ހައްޔަރު ކުރީ އޭގެ 50 ދުވަސް ފަހުން، އެ އަހަރުގެ 16 ޑިސެމްބަރުގަ އެވެ.

ފާހަގަކޮށްލެވޭ - މޭރީ ގްރޭސް އަކީ އައިޖީއެމްއެޗްގެ ޑައިލެސިސް ޑިޕާޓްމެންޓްގެ ނަރުހެކެވެ. އޭނާގެ ފިރިމީހާ މާވިން އާއި ލަމްހާއަކީ ކެޝުއަލްޓީގައި މަސައްކަތް ކުރާ ނަރުހުންނެވެ.