މާލޭގެ މަގުމަތި (ދައުރު ފޮޓޯ/ އަބްދުﷲ އަނޫފް ޖުނައިދް)
ސަރުކާރު ކުންފުނިތަކުގެ މުވައްޒަފުންގެ މުސާރަ ކުޑަކުރަން ޖެހޭ: ގަވަރުނަރު
ސަރުކާރު ހިއްސާވާ ކުންފުނިތަކުގެ މުވައްޒަފުންގެ މުސާރަތައް ސިވިލް ސާވިސް މުވައްޒަފުންގެ މުސާރައާ އެއްވަރަށް ނުވަތަ އެއަށްވުރެ ކުޑަކުރަން ޖެހޭ ކަމަށް އެމްއެމްއޭގެ ގަވަރުނަރު އަހުމަދު މުނައްވަރު ވިދާޅުވެއްޖެ އެވެ.
ވީ ކިހިނެއް؟ - އަންނަ އަހަރަށް ލަފާކުރާ ދައުލަތުގެ ބަޖެޓު ދިރާސާ ކުރުމަށް ރައްޔިތުންގެ މަޖިލީހުގެ ބަޖެޓު ދިރާސާކުރާ ކޮމެޓީއަށް އެމްއެމްއޭ މިއަދުވަނީ ހާޒިރުކޮށްފަ އެވެ.
ބުނީ ކީކޭ؟ - މުނައްވަރު ވިދާޅުވީ ދައުލަތުން އެންމެ ބޮޑު ހަރަދެއްކުރާ އެއް ބަޔަކީ ސަރުކާރުގެ ހިއްސާވާ ކުންފުނިތައް ކަމަށެވެ. އަދި ހަރަދުތައް ކުޑަކުރަން ރިފޯމެއް ގެންނައިރު އެ ކުންފުނިތަކަށް ކުރާ ހޭދަ ކުޑަކުރަންޖެހޭ ކަމަށެވެ.
"ސަރުކާރުގެ ހިއްސާވާ ކުންފުނިތަކުގެ ތެރޭގައި އެބަހުރި ހަމަ މުއައްސަސާތައް އެބަހުރި ސަރުކާރުން ފައިސާ ޕަމްޕުކުރާ ސެލަރީ ދެއްވާ ތަންތަން އެތަންތަނުގެ މުސާރަތައް މިއީ ވަރަށް މުހިންމު ކަމެކޭ އަޅުގަނޑު ދަންނަވާނީ ރިވިއު ކުރަން މުރާޖައާ ކުރުން،"މުނައްވަރު ވިދާޅުވި އެވެ.
"ސަރުކާރުން އެބޭބޭފުޅުންނަށް މުސާރަ ދޭނަމަ އެ މުސާރައަކީ ސިވިލްސާވަންޓުންގެ މުސާރައާ އެއްވަރު މުސާރައެއް ނުވަތަ އެއަށްވުރެ ދަށް މުސާރައަކަށް ހަދަންޖެހެނީ. އެހެން ނޫންނަމަ އަޅުގަނޑުމެން ގަބޫލެއް ނުކުރަން މިގެންނަ ރިފޯމުގެ ކަންތައްތައް ރަނގަޅަށް ދާނެ ކަމަކަށް،" މުނައްވަރު ވިދާޅުވި އެވެ.
އެނގުން މުހިންމު - ސަރުކާރު ހިއްސާވާ ކުންފުނިތަކުގެ މުސާރަ ސިވިލް ސާވިސް މުވައްޒަފުންގެ މުސާރައަށްވުރެ މިހާރު ބޮޑެވެ.
ކޮމެންޓް