އެޗުޑީސީިގެ 'ޓްރާންސްފޯމިން ޓުމޯރޯ'ގެ ދަށުން ގަލުފަޅުގައި ތަރައްގީކުރާ 'ނޫވެލި އައިލެންޑް ރިޓްރީޓް' ނިމުމުން އޮންނާނެ ގޮތް. (ފޮޓޯ/އެޗުޑީސީ)
ގަލުފަޅު ހިއްކައިގެން މުއްސަނދިންނަށް އައިލެންޑް ރިޓްރީޓެއް ތަރައްގީކުރަނީ
ކ. ގަލުފަޅު ހިއްކައިގެން މަތީ ފަންތީގެ މީހުންނަށް އަމާޒުކޮށް އައިލެންޑް ރިޓްރީޓް މަޝްރޫއެއް އެޗުޑީސީއިން ރޭ އިފްތިތާހުކޮށްފި އެވެ.
ވީ ކިހިނެއް؟ - 'ނޫވެލި'ގެ ނަމުގައި ހިންގާ އެ މަޝްރޫއު، އެޗުޑީސީއިން ހިންގާ އެހެނިހެން މުހިންމު މަޝްރޫއުތަކާ އެކު އިފްތިތާހުކޮށްދެއްވީ ހުޅުމާލޭ ސެންޓްރަލް ޕާކުގައި ރޭ ބޭއްވި ރަސްމިއްޔާތެއްގައި އިކޮނޮމިކް މިނިސްޓަރު މުހައްމަދު ސައީދު އެވެ.
ތަފްސީލު - މާލެއާ 10 މިނެޓު ދުރުގައި އޮންނަ ގަލުފަޅުގެ ފަޅު ހިއްކައިގެން ތަރައްގީކުރާ 'ނޫވެލި އައިލެންޑް ރިޓްރީޓް'ގައި މަތީ ފަންތީގެ ޔުނިޓުތަކުގެ އިތުރުން މުހިންމު ގިނަ ވަސީލަތްތައް ހިމެނެ އެވެ.
އެ މަޝްރޫއުގެ ދަށުން ބޯހިޔާވަހިކަމަށް ތަރައްގީކުރާ ތަންތަނުގެ ތެރޭގައި ހިމެނެނީ:
-
ލެގޫން ވިއު 31 ޔުނިޓު
-
ހޮރައިޒަން ވިއު 31 ޔުނިޓު
-
39 ގެސްޓު ވިލާ
އެ ރަށުގައި ހިމަނާ އިތުރު ވަސީލަތްތަކަކީ:
-
ވޯޓަ ސްޕޯޓްސް އާއި ޑައިވް ސެންޓަރެއް
-
ކޮމާޝަލް ޕްލާޒާ
-
އެކި ހަފްލާތައް ބާއްވަން އިވެންޓު ހޯލް، ބެންކުވެޓް ހޯލް އަދި ކޮންވެންޝަން ސެންޓަރު
-
ރެކްރިއޭޝަނަލް ކަންކަމަށް ޖާގަ
އެޗުޑީސީއިން ބުނާ ގޮތުގައި، މާލެ ސަރަޙައްދުގެ މަތީ ފަންތީގެ ރިއަލް އެސްޓޭޓް އަދި ފަތުރުވެރިކަމުގެ ސިނާއަތް ފުޅާކޮށް، ޕްރިމިއަމް ޗުއްޓީ ތަޖުރިބާ އާއި އިންވެސްޓުކުރަން އާ ފުރުސަތުތައް ހޯދާ މަހުޖަނުން ހޯދުމަކީ އެ ކުންފުނީގެ ތަސައްވުރެކެވެ.
ކޮމެންޓް