ޖިންސީ ގޯނާއާ ދެކޮޅަށް މާލޭގައި ބޭއްވި މުޒާހަރާއެއްގެ ތެރެއިން: ދެކުނުގެ ރަށެއްގައި ދަރިފުޅާއި އާއިލާ އެހެން ކުއްޖަކަށް ގޯނާކުރި މައްސަލައެއް. (ދައުރު ފޮޓޯ/ މާޝާ ނައީމް)
ދަރިފުޅާއި އިތުރު ކުއްޖަކަށް ޖިންސީ ގޯނާކުރުމުގެ ތުހުމަތުގައި މީހަކު ހައްޔަރުކޮށްފި
ރާއްޖޭގެ ދެކުނުގެ ރަށެއްގައި ދަރިފުޅާއި އާއިލާގެ އިތުރު ކުޑަކުއްޖަކަށް ޖިންސީ ގޯނާ ކުރި ކަމުގެ ތުހުމަތުގައި މީހަކު ހައްޔަރުކޮށްފި އެވެ.
ވީ ކިހިނެއް؟ - މި މައްސަލަ ފެންމަތިވެ އެ ރަށު މީހުންނާ ހަވާލާދީ ބައެއް މީޑިއާތަކުން މި މަހު ރިޕޯޓުކޮށްފައިވެ އެވެ. އަދި ފުލުހަށް މި މަހު 4ގައި މައްސަލަ ހުށަހަޅާފައިވެ އެވެ.
ބުނީ ކީކޭ؟ - ފުލުހުން މިއަދު ބުނީ އިތުބާރު ކުރެވޭ މަގާމެއްގައި ހުރެގެން ދެ ކުޑަކުއްޖަކަށް ޖިންސީ ގޯނާ ކުރުމުގެ ތުހުމަތުގައި އެ މީހާ ހައްޔަރުކުރީ ރޭގެ ވަގުތެއްގައި ކޯޓު އަމުރެއްގެ ދަށުންނެވެ. އެގޮތުން:
-
މިއީ ސައުތު ޕޮލިސް ރީޖަނުގެ ރަށެއްގައި ހިނގި ކަމެއް؛ އެ ސަރަހައްދުގައި ހިމެނީ ގއ.، ގދ.، އައްޑޫ އަދި ފުވައްމުލައް
-
އަނިޔާގެ ޝިކާރައަށްވި އެއް ކުއްޖެއްގެ އުމުރަކީ 11 އަހަރު؛ އަނެއް ކުއްޖާގެ އުމުރަކީ 7 އަަހަރު
-
މި މައްސަލާގައި ހައްޔަރުކުރި ފިރިހެން މީހާގެ އުމުރަކީ 56 އަހަރު
މި މައްސަލަ އިތުރަށް ތަހުގީގު ކުރަމުންދާ ކަމަށް ފުލުހުން ބުންޏެވެ.
ކޮމެންޓް