އެޗުޑީސީިގެ 'ޓްރާންސްފޯމިން ޓުމޯރޯ'ގެ ދަށުން ހުޅުމާލޭގައި އިޖުތިމާއީ ބޯހިޔާވަހިކަމުގެ އިތުރު ދެ މަޝްރޫއު ހިންގާނެ. (ފޮޓޯ/އެޗުޑީސީ)
އެޗުޑީސީއިން ހުޅުމާލޭގައި އިޖުތިމާއީ އަދި މަތީ ފަންތީގެ ބޯހިޔާވަހިކަމަށް އާ 4 މަޝްރޫއު
އެޗުޑީސީއިން ހުޅުމާލޭގައި އިޖުތިމާއީ އަދި މަތީ ފަންތީގެ ބޯހިޔާވަހިކަމަށް ހަތަރު މަޝްރޫއުއެއް ރޭ އިފްތިތާހުކޮށްފި އެވެ.
ވީ ކިހިނެއް؟ - އެ މަޝްރޫއުތަކުގައި ހިމެނެނީ އެޗުޑީސީއިން ހިންގަން ރާވާފައިވާ 'ޓްރާންސްފޯމިން ޓުމޯރޯ' މަޝްރޫއުތަކުގަ އެވެ.
ހުޅުމާލެ ސެންޓްރަލް ޕާކުގައި ބޭއްވި ރަސްމިއްޔާތެއްގައި އެ މަޝްރޫއުތައް އިފްތިތާހުކޮށްދެއްވީ އިކޮނޮމިކް މިނިސްޓަރު މުހައްމަދު ސައީދު އެވެ.
ތަފްސީލު - އެޗުޑީސީގެ ބޯހިޔާވަހިކަމުގެ އާ މަޝްރޫއުތައް ހިންގަން ރާވާފައިވަނީ ހުޅުމާލޭގަ އެވެ. އޭގެ ތެރޭގައި ހިމެނެނީ:
-
1-
ރޯ ހައުސް (މޮޑާން ކަނެކްޓަޑް ހޯމްސް) - ހުޅުމާލޭ ފޭސް 2ގައި 32 ޔުނިޓު އަޅާނެ؛ މި ޔުނިޓުތަކުގައި އެކްސްކްލޫސިވް ކުލަބް ހައުސްތަކާއި ސްވިމިން ޕޫލް އަދި ޒަމާނީ ވަސީލަތްތައް ހުންނާނެ
-
2-
ސޯޝަލް ހައުސިން - އިޖުތިމާއީ ބޯހިޔާވަހިކަމުގެ އިތުރު ދެ މަޝްރޫއުގެ ދަށުން 2،100 ހައުސިން ޔުނިޓު އަޅާނެ؛ އެއީ ދެ ކޮޓަރި އާއި ތިން ކޮޓަރީގެ ޔުނިޓުތަކެއް
-
3-
ފަރުކޮޅުފުށި ގޭޓަޑް ކޮމިއުނިޓީ - ޕްރައިވެޓް މަތީ ފަންތީގެ ބޯހިޔާވަހިކަން ބޭނުންވާ މީހުންނަށް އަމާޒުކޮށް ހިންގާ މި މަޝްރޫއުގެ ދަށުން 20 ބީޗު ވިލާ، 60 ގާޑެން ވިލާ، 26 އާބަން ވިލާ އަދި 85 ކޮޓަރީގެ ހޮޓަލެއް ތަރައްގީކުރާނެ
-
އެޗުޑީސީިގެ 'ޓްރާންސްފޯމިން ޓުމޯރޯ' މަޝްރޫއުތަކުގައި ހިމެނޭ ފަރުކޮޅުފުށި ގޭޓަޑް ކޮމިއުނިޓީ ނިމުމުން އޮންނާނެ ގޮތް. (ފޮޓޯ/އެޗުޑީސީ) -
އެޗުޑީސީިގެ 'ޓްރާންސްފޯމިން ޓުމޯރޯ'އިން ހުޅުމާލޭގައި ތަރައްގީކުރާ އާ ރޯ ހައުސްތައް ހުންނާނެ ގޮތް. (ފޮޓޯ/އެޗުޑީސީ) -
އެޗުޑީސީިގެ 'ޓްރާންސްފޯމިން ޓުމޯރޯ'ގައި ހިމެނޭ ރަސްމާލެ ތަރައްގީކޮށް ނިމުމުން އޮންނާނެ ގޮތް. (ފޮޓޯ/އެޗުޑީސީ)
ފުށިދިއްގަރު ފަޅު ހިއްކައިގެން ތަރައްގީކުރާ ރަސްމާލެ އީކޯ ސިޓީ މަޝްރޫއު ވެސް ހިމެނެނީ އެޗުޑީސީގެ ޓްރާންސްފޯމިން ޓުމޯރޯ މަޝްރޫއުތަކުގަ އެވެ.
އެ މަޝްރޫއުގެ ދަށުން 325،000 މީހުންގެ އާބާދީއަކަށް އަމާޒުކޮށް، 65،000 ހައުސިން ޔުނިޓު ތަރައްގީކުރަން އެޗުޑީސީއިން ވަނީ ރާވާފަ އެވެ.
ކޮމެންޓް (3)
މުޖުތާޒު
ދުރީ
ބެއްޔާގެ ދަރި