ޑިފެންސް މިނިސްޓްރީގެ ވެރިންގެ ނަމާއި ކޮންމެ ވެރިއަކަށް ލިބޭ މުސާރަ ހާމަނުކުރަން ހައި ކޯޓަށް

ޑިފެންސް މިނިސްޓްރީގެ އިސްވެރިންގެ ނަން އެނގޭ ގޮތަށް ކޮންމެ އިސްވެރިއަކަށް ލިބޭ މުސާރައިގެ މައުލޫމާތު ދިނުމަށް އިންފޮމޭޝަން ކޮމިޝަން (އައިކޮމް) އިން ނިންމި ނިންމުމެއް އެ މިނިސްޓްރީން ހައި ކޯޓުގައި އިސްތިއުނާފުކޮށްފި އެވެ.

ވީކިހިނެއް؟ - އައިކޮމަށް ލިބުނު ޝަކުވާއަކާ ގުޅިގެން އެ ގޮތަށް ޑިފެންސް މިނިސްޓްރީއަށް އެންގީ 27 މެއި 2024ގަ އެވެ. އޭރު އެ ކޮމިޝަނުން އަންގާފައިވަނީ ރަސްމީ ފަސް ދުވަހުގެ ތެރޭގައި، މައުލޫމާތަށް އެދުނު ފަރާތަށް އެ މައުލޫމާތު ދިނުމަށެވެ.

ތަފްސީލް - ހައި ކޯޓުގެ ރަޖިސްޓްރީން ދައްކާ ގޮތުގައި، އައިކޮމްގެ ނިންމުން ޑިފެންސް މިނިސްޓްރީން އިސްތިއުނާފަށް ހުށަހެޅީ މިދިޔަ މަހު 24ގަ އެވެ. އެ މައްސަލަ ކޯޓަށް ބަލައިގަތުމާ މެދު ގޮތެއް ނުނިންމާ ކަމަށް ރަޖިސްޓްރީން ދައްކަ އެވެ.

އެނގުން މުހިންމު - އައިކޮމްގެ ނިންމުމުގައި ބަޔާންކޮށްފައިވާ ކަންކަމަކީ:

ގުޅުން ހުރި - މީގެ ކުރިން އިންޑިއާއިން އެމްއެންޑީއެފަށް ހަދިޔާކޮށްފައިވާ އުޅަނދުތައް ދުއްވަން ދިވެހި ޕައިލެޓުންނަށް ނުދެވޭ ސަބަބު ހާމަކުރުމަށް އެދި ހުށަހެޅި ހުށަހެޅުމެއް ވެސް ޑިފެންސް މިނިސްޓްރީން ހައި ކޯޓުގައި އިސްތިއުނާފުކުރި އެވެ.

ފަހުން ފާޑުކިޔުންތައް އަމާޒުވުމުން ޑިފެންސް މިނިސްޓްރީގެ ނިންމުން ބަދަލުކޮށް އެ މައުލޫމާތު ފޯރުކޮށްދިނެވެ. އެ މިނިސްޓްރީން ދިން މައުލޫމާތުގައި ބުނެފައިވަނީ އެއުޅަނދުތައް ދުއްވަން ތަމްރީނުވެފައިވާ ދިވެހި ޕައިލެޓެއް އެމްއެންޑީއެފްގައި މި ވަގުތު ނެތް ކަމަށެވެ.