ޓްރީ ޓޮޕް ހޮސްޕިޓަލުން ހެލްތު އެކްސްޕޯގައި ބައިވެރިވެއްޖެ

ހެލްތު މިނިސްޓްރީން ބޭއްވި ހެލްތު އެކްސްޕޯގައި ޓްރީ ޓޮޕް ހޮސްޕިޓަލުން ބައިވެރިވެއްޖެ އެވެ.

ވީ ކިހިނެއް؟ - މިދިޔަ ބުރާސްފަތި އަދި ހުކުރު ދުވަހު ހުޅުމާލޭ ސެންޓްރަލް ޕާކުގައި ކުރިއަށް ގެންދިޔަ މި ހަރަކާތުގައި ސިއްހީ ހިދުމަތް ދޭ ފަރާތްތަކާއި ވެލްނެސް ޖަމިއްޔާތަކާއި ސަޕްލަޔަރުންނާއި ސިއްހީ މައުލޫމާތު ދޭ ފަރާތްތަކުގެ ހިދުމަތް ވަނީ އެއްތަނަކުން ފޯރުކޮށްދީފަ އެވެ.

އާންމުންނަށް ސިއްހީ ކަންކަމާ ބެހޭ ގޮތުން ހޭލުންތެރިކަން އިތުރުކުރުމުގެ މަގްސަދުގައި ކުރިއަށް ގެންދިޔަ އެކްސްޕޯގައި ބައިވެރިވި ފަރާތްތަކަށް ސިއްހީ ތައުލީމާއި ކެރިއަ ގައިޑެންސް އަދި ދުޅަހެޔޮކަމާ ގުޅޭ ގިނަ މައުލޫމާތު ވަނީ ފޯރުކޮށްދީފަ އެވެ.

ތަފްސީލް - މި އެކްސްޕޯގައި ޓްރީ ޓޮޕް ހޮސްޕިޓަލުގެ ފެމިލީ މެޑިސިން ޑޮކްޓަރުންނާއި ދަތުގެ ޑޮކްޓަރުން އަދި ޑައިޓީޝަނުން ވަނީ ދުޅަހެޔޮ ދިރިއުޅުމަކަށް އެޅިދާނެ ފިޔަވަޅުތަކާ ގުޅޭ މައުލޫމާތުތަކާއި ޓްރީ ޓޮޕް ހޮސްޕިޓަލުން ލިބެންހުރި ފަރުވާގެ މައުލޫމާތު އާންމުންނަށް ފޯރުކޮށްދީފަ އެވެ.

ޓްރީ ޓޮޕް ހޮސްޕިޓަލްގެ ސީއީއޯ ޑރ. ސްރީވަތުސަން ސްރީދާރު ވިދާޅުވީ، ހެލްތު އެކްސްޕޯގައި ބައިވެރިވުމަކީ ދިވެހި ރައްޔިތުންގެ ސިއްހަތާއި ދުޅަހެޔޮކަމަށް އެހީތެރިކަން ފޯރުކޮށްދިނުމަށް ކުރާ މަސައްކަތާ ގުޅިފައިވާ ކަމެއް ކަމަށެވެ.

މިކަހަލަ ހަރަކާތްތަކުގެ ތެރެއިން މުޖުތަމައާ ގުޅުން ބަދަހިކޮށް، ހޮސްޕިޓަލުގެ ހެލްތު ކޭމްޕްތަކުގެ ހިދުމަތާއި ހިލޭ ހެލްތު ސްކްރީން އަދި ރާއްޖޭގެ އެކި ކަންކޮޅުތަކުގައި ބާއްވާ ކުޅިވަރު މުބާރާތްތަކުގައި މެޑިކަލް ސަޕޯޓް ދިނުމަށް ޓްރީ ޓޮޕް ހޮސްޕިޓަލުން އަބަދުވެސް ޝައުގުވެރިވާ ކަމަށް އޭނާ ވިދާޅުވި އެވެ.

"އަޅުގަނޑުމެންގެ އުއްމީދަކީ، ދިވެހި ރައްޔިތުންގެ ދުޅަހެޔޮކަމަށް ސަރުކާރުން އަދި މުޖުތަމައުން ކުރިއަށް ގެންދާ މިފަދަ އިތުރު ހަރަކާތްތަކުގައި ބައިވެރިވުން،" އޭނާ ވިދާޅުވި އެވެ.

އެނގުން މުހިންމު - ޓްރީ ޓޮޕް ހޮސްޕިޓަލަކީ ރާއްޖޭގެ ސިއްހީ ހިދުމަތުގެ ދާއިރާގައި އިސް ދައުރެއް އަދާކުރަމުން އަންނަ ހޮސްޕިޓަލެކެވެ. އެ ހޮސްޕިޓަލުގެ މައިގަނޑު އަމާޒަކީ: