ހަންގަރީގެ ބުޑަޕެސްޓްގެ ޕުސްކާސް އެރީނާގައި 7 ނޮވެމްބަރު 2024 ގައި ބޭއްވި ޔޫރަޕިއަން ޕޮލިޓިކަލް ކޮމިއުނިޓީ ސަމިޓުގައި ބައިވެރިވި ލީޑަރުންގެ ފޮޓޯއެއް.
އެމެރިކާއާއެކު ވިޔަފާރި، އިންވެސްޓްމަންޓް އަދި ސަލާމަތީ ގުޅުންތައް ވަރުގަދަކުރަން ޔޫރަޕިއަން ޔޫނިއަން ނިންމައިފި
ޔޫރަޕިއަން ކައުންސިލްގެ ރައީސް ޗާލްސް މިޝެލް ވިދާޅުވިގޮތުގައި ވިޔަފާރި، އިންވެސްޓްމަންޓް، ދެފަރާތުގެ ގުޅުންތައް، އަދި ސަލާމަތީ ދާއިރާތަކުގައި އެމެރިކާއާއެކު އޮންނަ ގުޅުން ވަރުގަދަކުރުމަށް ޔޫރަޕް ތައްޔާރަށް އޮތް ކަމަށެވެ.
ބުޑަޕެސްޓްގައި ބޭއްވި ޔޫރަޕިއަން ޔޫނިއަންގެ ކުއްލި ބައްދަލުވުމަށްފަހު ނޫސްވެރިންނާ ވާހަކަދައްކަވަމުން މިޝެލް ވިދާޅުވީ، ޑޮނަލްޑް ޓްރަމްޕް ރިޔާސީ އިންތިޚާބުގައި ކާމިޔާބުކުރެއްވުމާ ގުޅިގެން، ޔޫރަޕިއަން ޔޫނިއަނާއި އެމެރިކާއާ ދެމެދުގެ ގުޅުންތަކާ ބެހޭގޮތުން ޔޫރަޕްގެ ލީޑަރުން ސްޓްރެޓެޖިކް މަޝްވަރާތަކެއް ކުރެއްވި ކަމަށެވެ.
Fifth European Political Community summit brings 47 heads of state together in Budapest to discuss security challenges, including Ukraine war and conflicts in Middle East. Alex Cadier has more pic.twitter.com/d8vya2yS3R
— TRT World Now (@TRTWorldNow) November 7, 2024
އޭނާ އިތުރަށް ވިދާޅުވި ގޮތުގައި، މި މަޝްވަރާތަކުގައި ޔޫކްރެއިންއާއި މެދުއިރުމަތީގެ މައްސަލަތަކުގައި ދެފަރާތުގެ މެދުގައި އޮންނަ އާންމު ވިސްނުންތަކާ އެއްގޮތަށް ޕޮޒިޝަންތައް ވިލަރެސްކުރުމާ ބެހޭގޮތުންވެސް މަޝްވަރާކުރެވުނެވެ.
އެމެރިކާގެ ރައީސްކަމަށް ޓްރަމްޕް އިންތިޚާބުވުމާ ގުޅިގެން، ދިފާއީ ގުޅުންތަކާއި ޔޫކްރެއިންގެ ހަނގުރާމައާ ގުޅޭގޮތުން ދެފަރާތުގެ ގުޅުން އޮންނާނެ ގޮތާމެދު ޔޫރަޕްގައި ކަންބޮޑުވުންތަކެއް އުފެދިފައިވެ އެވެ.
އިގްތިސާދީ ރޮނގުން، ޔޫރަޕިއަން ކޮމިޝަންގެ ރައީސާ އުރްސުލާ ވޮން ޑަރ ލޭޔަން ގޮވާލައްވާފައިވަނީ ޔޫރަޕްގެ އިގްތިސާދުގެ ވާދަވެރިކަން އިތުރުކުރުމަށް އަވަސް ފިޔަވަޅުތަކެއް އެޅުމަށެވެ.
-
ބައްދަލުވުމަށްފަހު ނެރުނު ބަޔާނެއްގައި ފާހަގަކޮށްފައިވާ ގޮތުގައި، ޔޫރަޕްގެ ލީޑަރުން އެއްބަސްވެފައިވަނީ އެކުގައި އިގްތިސާދީ ކުރިއެރުން ހޯދުމަށާއި، ވާދަވެރިކަން އިތުރުކުރުމަށާއި، މޫސުމަށް އަސަރުނުކުރާ ފުރަތަމަ ބައްރަކަށް ޔޫރަޕް ހެދުމަށެވެ. އަދި މީގެ އިތުރުން، އައު ޖިއޯޕޮލިޓިކަލް ހަގީގަތްތަކާއި އިގްތިސާދީ އަދި ޑިމޮގްރަފިކް ގޮންޖެހުންތަކާ ކުރިމަތިލުމުގައި ޔޫރަޕިއަން ޔޫނިއަންގެ ނުފޫޒު ދެމެހެއްޓުމަށްވެސް އެއްބަސްވި އެވެ.
ޔޫރަޕިއަން ޔޫނިއަންގެ ލީޑަރުން އަޒުމް ކަނޑައަޅާފައިވަނީ ޔޫރަޕިއަން ޔޫނިއަން އިތުރަށް ވާދަވެރިކޮށް، އުފެއްދުންތެރިކަން އިތުރުކޮށް އަދި އާ އީޖާދުތަކަށް މަގުފަހިކުރުމަށެވެ. މިކަން ކުރިއަށް ގެންދާނީ އިގްތިސާދީ، އިޖްތިމާއީ އަދި ސަރަހައްދީ އެއްބައިވަންތަކަމުގެ މައްޗަށް ބަރޯސާވެ، ޔޫނިއަންގެ ތެރޭގައި އަދި ދުނިޔޭގެ ފެންވަރުގައި އެއް ހަމައެއް ގެންގުޅުމަށެވެ.
Meanwhile in #Budapest, Roberta Metsola @EP_President participated to the European Political Community summit and met with @JakovMilatovic 🇲🇪 and @VjosaOsmaniPRKS 🇽🇰
— European Parliament Audiovisual Service (@europarlAV) November 7, 2024
🔗 Download more content: https://t.co/sIKwNnQoYN pic.twitter.com/oW1SU3R4mX
-
ބަޔާނުގައި އިތުރަށް ބަޔާންކޮށްފައިވަނީ ޔޫރަޕިއަން ޔޫނިއަނަށް ކުރިމަތިވެފައިވާ ގޮންޖެހުންތަކަށް އަވަސް ފިޔަވަޅުތަކެއް އެޅުމުގެ މުހިންމުކަމާއި، އިންޓަރނަލް މާކެޓުގެ ފުރިހަމަ ގާބިލުކަން ބޭނުންކުރުމަށް އެންމެން ގުޅިގެން މަސައްކަތްކުރުމުގެ މުހިންމުކަމެވެ. އެއީ އައު އީޖާދުތަކާއި، އިންވެސްޓްމަންޓް، ކުރިއެރުން، ގުޅުންތައް އަދި އިގްތިސާދީ ދެމިހުރުން އެއީ މައިގަނޑު ބާރަކަށްވާތީ އެވެ.
މި ގޮތުން، ޖޫން 2025 ގެ ކުރިން އިންޓަރނަލް މާކެޓް ފުޅާކުރުމަށް ސާފު ސުންގަޑިތަކަކާއެކު ތަފްސީލީ ރޯޑްމެޕެއް ހިމެނޭ ފުރިހަމަ ސްޓްރެޓެޖީއެއް ހުށަހެޅުމަށް ޔޫރަޕިއަން ކޮމިޝަނަށް ގޮވާލާފައިވެ އެވެ.
އަދި 2026 ގެ ކުރިން ސޭވިންގްސް އެންޑް އިންވެސްޓްމަންޓް ޔޫނިއަނެއް އުފެއްދުމާއި، ކެޕިޓަލް މާކެޓްސް ޔޫނިއަން އަވަސް ކުރުމަށް ނިންމަވާފައިވާކަން ބަޔާނުގައި ފާހަގަކޮށްފައިވެ އެވެ. މިއީ ޔޫރަޕްގެ ވާދަވެރިކަން ކަށަވަރުކުރުމަށް އެޅޭނެ މުހިންމު ފިޔަވަޅެއް ކަމުގައި ބެލެވެ އެވެ.
ކޮމެންޓް