ވެލާނާ އިންޓަނޭޝަނަލް އެއާޕޯޓުގެ އާ ފިއުލް ފާމާއި ފިއުލް ހައިޑްރަންޓް ސިސްޓަމް ހުޅުވައިފި

ވެލާނާ އިންޓަނޭޝަނަލް އެއާޕޯޓްގެ އާ ފިއުލް ފާމް އާއި ފިއުލް ހައިޑްރަންޓް ސިސްޓަމް، ރައީސް މުހައްމަދު މުއިއްޒު މިއަދު ހުޅުއްވައިދެއްވައިފި އެވެ.

ވީކިހިނެއް؟ - އާ ފިއުލް ފާމް ރައީސް މުއިއްޒު ހުޅުއްވައި ދެއްވީ މިއަދު އެއާޕޯޓުގައި ބޭއްވި ރަސްމިއްޔާތެއްގަ އެވެ.

ކީކޭ ބުނީ؟ - ރައީސް އޮފީހުން ބުނީ މި މަޝްރޫއުގެ އެންމެ ފާހަގަކޮށްލެވޭ އެއް ކުރިއެރުމަކީ 8.4 ކިލޯމީޓަރުގެ ދިގުމިނުގެ ފިއުލް ހައިޑްރަންޓް ސިސްޓަމެއް ގާއިމުކުރުން ކަމަށެވެ.

މިއީ ތެޔޮ ރައްކާކުރާ ތަނުން ފެށިގެން މަތިންދާ ބޯޓުތައް ޕާކުކުރާ ސަރަހައްދާ ހަމައަށް ބިމުގެ އަޑީގައި ގާއިމުކޮށްފައިވާ ވިއުގައެއް ކަމަށް ރައީސް އޮފީހުން ބުންޏެވެ. މީގެ ކުރިން ބޯޓުތަކަށް ތެޔޮ އެޅުމަށް މުޅިން ވެސް ބޭނުންކުރަމުން އައީ ރިޕިއުލާއެއް ކަމަށް ބުންޏެވެ.

އެނގުން މުހިންމު - މޯލްޑިވްސް އެއާޕޯޓް ކޮމްޕެނީ ލިމިޓެޑް (އެމްއޭސީއެލް) އިން މި މަޝްރޫއު ފުރިހަމަ ކުރީ ޗައިނާގެ އެގްޒިމް ބޭންކްގެ ލޯން އެހީއާ އެކު އެވެ.

އާ ފިއުލް ފާމްގެ ބޮޑުމިނަކީ 37،000 އަކަމީޓަރެވެ. އެއީ ކުރިން ވީއައިއޭގައި ބޭނުންކުރާ ފިއުލް ފާމަށް ވުރެ ގާތްގަނޑަކަށް ތިން ގުނަ ބޮޑު ތަނެކެވެ. އެ ތަނުގެ ކެޕޭސިޓީ އަކީ: