ގއ. ވިލިނގިލި: އެރަށުގައި ދަރިފުޅަށް ހަރަދު ނުދިން ބައްޕައަކު ޖަލަށް ލާން މެޖިސްޓްރޭޓް ކޯޓުން ހުކުމްކޮށްފި
ހަރަދު ނުދޭ ބައްޕައަކު ޖަލަށްލައި ބޭންކު އެކައުންޓް ފްރީޒުކޮށްފި
ދަރިފުޅަށް ހަރަދު ނުދޭ މައްސަލާގައި އެއް މަސް ދުވަހަށް ޖަލަށް ލުމަށާއި ބޭންކު އެކައުންޓު ފްރީޒުކޮށް އޭގައި ހުރި ފައިސާ ނެގުމަށާއި ހަރަދަށްވާ ބާކީ ފައިސާ ދެއްކުމަށް ގއ. ވިލިނގިލި މެޖިސްޓްރޭޓް ކޯޓުން އިއްޔެ ހުކުމްކޮށްފި އެވެ.
ވީކިހިނެއް؟ - ދަރިފުޅަށް ހަރަދު ދިނުމަށް ކޯޓު މެދުވެރިކޮށް ކަނޑައަޅާފައިވާ ގޮތަށް ގަވާއިދުން ހަރަދު ނުދީ، އެ ފައިސާ 100،000ރ.އަށް ވުރެ ގިނަވުމުން މަންމަ ވަނީ ވިލިނގިލި މެޖިސްޓްރޭޓް ކޯޓަށް މައްސަލަ ހުށަހަޅައިފަ އެވެ.
ތަފްސީލް - މެޖިސްޓްރޭޓް އާއިޝަތު ޝިހާބު ކުރެއްވި ހުކުމުން އެނގުނު ގޮތުގައި:
-
މިދިޔަ ސެޕްޓެމްބަރު މަހާ ހަމައަށް ދަރީގެ ހަރަދުގެ ގޮތުގައި ނުދައްކާވާ ފައިސާއަކީ 153،504ރ.
-
އެންމެ ފަހުން ފައިސާ ދެއްކީ، ކޯޓުން ހަރަދު ދިނުމަށް ހުކުމްކުރި މަހު 1،500ރ. ގަވާއިދު ބުނާ ގޮތުން މަހަކު 2،000ރ. ދައްކަން ޖެހޭ
-
ބައްޕަގެ ބޭންކު އެކައުންޓުގައި ހުރީ 960ރ.
-
ބައްޕަ ޖަލަށް ލައިގެން ވިޔަސް ހަރަދު ނަގައިދިނުމަށް ދަރިފުޅުގެ މަންމަ ކޯޓުގައި އެދިފައިވޭ
-
ލަފާ ކުރެވޭ ގޮތުގައި ހަރަދު ނުދޭތާ ގާތްގަނޑަކަށް ހަ އަހަރު ވަރުވެދާނެ. އެއީ 11 އަހަރުގެ ކުއްޖެއް
ހުކުމް - ބައްޕަ އެއް މަސް ދުވަހަށް ޖަލަށް ލައި އެ މުއްދަތުގެ ތެރޭގައި އެކައުންޓް ފްރީޒް ކުރުމަށް ފަހު އޭގައި ހުރި ފައިސާ ދަރިފުޅުގެ މަންމައަށް ދިނުމަށް ހުކުމްކުރި އެވެ. އަދި ހަރަދަށްވާ ދެން ހުރި ފައިސާ ތިން މަސް ދުވަހު ހަވާލުކުރުމަށް ވެސް ހުކުމްކުރި އެވެ.
އެނގުން މުހިންމު - މިހެން ބަންދުކުރުމަށް ފަހު އެކައުންޓް ފްރީޒުކޮށްގެން އޭގައި ހުރި ފައިސާ ނެގުން ފަދަ ފިޔަވަޅުތަކަކީ، ދަރިފުޅަށް ހަރަދު ނުދީފި ނަމަ އާއިލާ ބެހޭ ގަވާއިދުގައި އެޅިދާނެ ކަމަށް ބުނާ ފިޔަވަޅުތަކެކެވެ.
ކޮމެންޓް (12)
ޞަލަ
ޙަސަނު1
ދުންމާރި
ޏަން
ޏާއްކޮ
ވެލެންޓީނޯ
އޯކޭ
ވެލަންޓީނޯ
އިސްފަނޑިޔާރު
އިސްފަނޑިޔާރު
ޥާނުވާ
ވާނެ ވާނެ