އަމީޒާ ޓެކްސް ކޮމިޝަނަރުގެ ނައިބަކަށް އައްޔަންކުރަން ރުހުންދީފި

ޑެޕިއުޓީ ކޮމިޝަނާ ޖެނެރަލް އޮފް ޓެކްސޭޝަންގެ މަގާމަށް ފާތިމަތު އަމީޒާއަށް ރައްޔިތުންގެ މަޖިލީހުން މިއަދު ރުހުން ދީފި އެވެ.

ވީ ކިހިނެއް؟ - މަޖިލީހުން އަމީޒާއަށް ރުހުން ދިނީ މިހާރު ހުންނެވި އަސްމާ ޝަފީއުގެ ދައުރު މިދިޔަ މަހުގެ ނިޔަލަށް ހަމަވާތީ އެވެ.

އެ މަގާމަށް އައްޔަނުކުރަން ދެ ނަމެއް ފޮނުވިއިރު، އަސްމާގެ ނަން ވެސް ހިމެނެ އެވެ. ނަމަވެސް މަޖިލީހުން ރުހުން ދިނީ، ރައީސް މުހައްމަދު މުއިއްޒު އިސްކަން ދެއްވި އަމީޒާ އަށެވެ.

ތަފްސީލް - އަމީޒާއަށް ރުހުން ދޭން މަޖިލީހުން ވޯޓު ދިން ގޮތް:

ޓެކްސް ނެގުމާ ބެހޭ އިދާރީ ގާނޫނުގައިވާ ގޮތުން، މީރާ ހިންގާ ޑިރެކްޓަރުންގެ ބޯޑުގައި ހިމެނޭނީ ޓެކްސް ކޮމިޝަނަރާއި ޑެޕިއުޓީ ޓެކްސް ކޮމިޝަނަރު ހިމެނޭހެން ހަތް މެންބަރުންނެވެ. ކޮންމެ މެންބަރެއްގެ ވެސް ދައުރަކީ ފަސް އަހަރުގެ މުއްދަތެކެވެ.

މި މަގާމަށް މީހުން އައްޔަންކުރަން އެ ބޭފުޅުންނާ އިންޓަވިއުކުރުމުގެ މަސައްކަތް ކުރީ މަޖިލީހުގެ އިގްތިސޯދީ ކޮމިޓީންނެވެ. އެ ކޮމެޓީން އާންމުކޮށް އެފަދަ މަގާމުތަކަށް އިންޓަވިއު ކުރަނީ ރައީސް އިސްކަން ދެއްވާފައިވާ ތަރުތީބުންނެވެ.