އެންވަޔަރަމަންޓް މިނިސްޓްރީގެ ޑެޕިއުޓީ މިނިސްޓަރު މުހައްމަދު ރާގިބު އަހްމަދު.
ރައީސް އައްޔަންކުރާ ސިޔާސީ މަގާމެއްގައި ހުރެ ދައުލަތާ ދެކޮޅަށް ވަކާލާތު ނުކުރެވޭނެ: ހައިކޯޓު
ރައީސް އައްޔަންކުރާ ސިޔާސީ މަގާމެއްގައި ހުރެ ދައުލަތާ ދެކޮޅަށް ވަކާލާތު ނުކުރެވޭނެ ކަމަށް ހައިކޯޓުން ކަނޑައަޅައިފި އެވެ.
ވީ ކިހިނެއް؟ - ހައިކޯޓުން މިގޮތަށް ނިންމީ އެންވަޔަރަމަންޓް މިނިސްޓްރީގެ ޑެޕިއުޓީ މިނިސްޓަރު މުހައްމަދު ރާގިބު އަހްމަދު، އިތުބާރު ކުރެވޭ މަގާމެއްގައި ހުރެ ކުޑަކުއްޖަކާ މެދު ޖިންސީ އަމަލެއް ހިންގި މައްސަލައެއް ރައްދުވާ މީހެއްގެ ގާނޫނީވަކީލުގެ ހައިސިއްޔަތުން ކޯޓުގައި ތަމްސީލުކުރައްވާތީ، އެކަމާ ދެކޮޅަށް ޕްރޮސެކިއުޓާ ޖެނެރަލްގެ ފަރާތުން އިއުތިރާޒު ކުރުމުންނެވެ.
ތަފްސީލު - މި މައްސަލައިގައި ދައުލަތުގެ މުވައްޒަފަކު ދައުލަތާ ދެކޮޅަށް ވަކާލާތު ކުރުމާމެދު ސަރުކާރު ނުވަތަ ދައުލަތަުގެ ސިޔާސަތަކީ ކޮބައިތޯ ހައިކޯޓުގެ ޝަރީއަތުގެ މަޖިލީހުގައި ފަނޑިޔާރުންގެ ބެންޗުން ވަނީ ސުވާލުކުރައްވާފަ އެވެ.
އެ ސުވާލާ ގުޅިގެން ޕީޖީ އޮފީހުގެ ފަރާތުން ބަންޑާރަ ނައިބުގެ އޮފީހުން ހޯދި ޖަވާބުގައި ވަނީ:
-
ރައީސުލްޖުމްހޫރިއްޔާ، އޭނާގެ މަގާމުގެ ވާޖިބުތައް އަދާކުރުމަށް ބޭނުންވާ މަގާމުތަކަށް އައްޔަންކުރެވޭ ފަރާތްތަކާއި ދައުލަތުން މުސާރަ ދޭ މަގާމުތަކުގައި ތިބޭ ފަރާތްތަކުގެ ތެރެއިން ގާނޫނީ ވަކީލުންގެ ގޮތުގައި ހިމެނޭ ފަރާތްތައް ދައުލަތުގެ އިދާރާއަކާ ދެކޮޅަށް އެ ފަރާތެއްގެ މުވައްކިލު ތަމްސީލުކުރުމަކީ އެ މަގާމަށް އައްޔަންކުރި ފަރާތް ނުވަތަ މުސާރަ ދޭ ފަރާތުގެ މަސްލަހަތާ ދެކޮލަށް މަސައްކަތް ކުރެވޭ ހާލަތެއް
-
އޭނާގެ އެންމެ މުހިންމު މަސްއޫލިއްޔަތަކަށް ވާންވާނީ ދައުލަތުގެ މަސްލަހަތު އިސްކޮށްގެން ނެގެހެއްޓުމަށް މަސައްކަތްކުރުން ކަމަށް
-
ސިޔާސީ މަގާމުތަކަށް އައްޔަންކޮށް އެ މަގާމުގައި ނުވަތަ ދައުލަތުން މުސާރަ ދޭ އެ ނޫން ވެސް އެފަދަ މަގާމުތަކުގައި ތިބޭހާ ހިނދަކު ދައުލަތާ ގުޅުންހުރި މައްސަލަތަކުގައި ދައުލަތާ ދެކޮޅަށް މަސައްކަތްކުރުމަކީ އޭނާގެ ވަކީލުކަމުގެ އަމިއްލަ މަސްލަހަތާއި ދައުލަތުގެ މަސްލަހަތާ ފުށޫއަރާ ހާލަތެއްކަން
-
އެހެންކަމުން ބަންޑާރަނައިބު ވިދާޅުވީ އެފަދައިން ކޯޓުތަކާއި ޓްރައިބިއުނަލްތަކުގައި ދައުލަތާ ދެކޮޅަށް ވަކާލާތު ކުރެވިދާނެކަމަށް ނުފެންނަ ކަމަށް
މި މައްސަލައިގައި ރާގިބު ދެކެވަޑައިގަންނަވާ ގޮތް ހާމަކުރަން ދިން ފުރުސަތުގައި އޭނާ ވިދާޅުވީ ސިޔާސީ މަގާމެއް ފުރަމުންދިއުމަކީ މިފަދަ މައްސަލައެއްގައި ވަކާލާތު ކުރުމަށް އޮތް ހުރަހެއް ކަމަށް ދެކެވަޑައިނުގަންނަވާ ކަމަށެވެ.
ކޮމެންޓް