ކަނޑިތީމް ދާއިރާގެ އެމްޑިޕީ މެންބަރު އަމީން ފައިސަލް (ފޮޓޯ/ މަޖިލިސް)
ވީއައިއޭ ނޫން އެއާޕޯޓްތަކުން ޑިޕާޗާ ޓެކްސް ނުނަގަން ފާހެއް ނުވި
ވެލާނާ އިންޓަނޭޝަނަލް އެއާޕޯޓް (ވީއައިއޭ) ފިޔަވާ އެހެން އެއްވެސް އެއާޕޯޓަކުން ޑިޕާޗާ ޓެކްސް ނުނަގަން އެމްޑީޕީން ހުށަހެޅި ހުށަހެޅުން މަޖިލީހުގެ މުޅި ކޮމެޓީން ފާހެއް ނުކުރި އެވެ.
ވީ ކިހިނެއް؟ - ރާއްޖޭގެ އެއާޕޯޓަކުން ބޭރަށް ފުރާ ފަސިންޖަރުންގެ އަތުން ނަގާފީ ބޮޑުކުރަން ސަރުކާރުގެ ފަރާތުން މަޖިލީހަށް ހުށަހެޅީ މިމަހުގެ 14 ގަ އެވެ.
ތަފްސީލް - އެ ބިލު މުޅި މަޖިލީހުގެ ކޮމެޓީން ވަނީ މާލިއްޔަތު ކޮމެޓީ އަދި އިގްތިސޯދީ ކޮމެޓީ ހިމެނޭ ސަބް ކޮމެޓީއަކަށް ފޮނުވައިފަ އެވެ. އެ ބިލަށް އެއްވެސް ބަދަލެއް ނުގެނެސް އެ ކޮމެޓީން ފާސްކޮށް، މިއަދު ވަނީ މުޅި މަޖިލީހުގެ ކޮމެޓީއަށް އެ ބިލު އަނެއްކާ ހުށަހަޅައިފަ އެވެ.
މުޅި މަޖިލިސް ކޮމެޓީގައި ކަނޑިތީމް ދާއިރާގެ އެމްޑީޕީ މެންބަރު އަމީން ފައިސަލް ވަނީ ވީއައިއޭ ފިޔަވައި އެހެން އެއާޕޯޓުތަކުން ފުރާ ފަސިންޖަރުންގެ އަތުން އެ ފީ ނުނަގާ ގޮތަށް އެ ބިލަށް އިސްލާހެއް ހުށަހަޅުއްވައިފަ އެވެ.
އެ އިސްލާހު ހުށަހަޅުއްވަމުން އަމީން ވިދާޅުވީ މިހާރު އޮތްގޮތަށް ބިލް ފާސްވެއްޖެ ނަމަ އަތޮޅުތެރޭގައި ހުރި ކުދި އިންޓަނޭޝަނަލް އެއާޕޯޓްތައް ބޭނުންކުރާ މިންވަރު މަދުވެ އެތަންތަން ތަރައްގީވުމަށް ހުރަސް އެޅޭނެ ކަމަށެވެ.
"މި ބަދަލު ގެނަޔަސް ވަރަށް ކުޑަ ބަދަލެއް އަންނާނީ، ނަމަވެސް މިސާލަކަށް މަންތާއިން އިންޑިއާއަށް މިކުރާ ދަތުރުތަކާއި މިހެންގޮސް މި އެއާޕޯޓުތަކަށް ލުޔެއް ދެވިއްޖެޔާ އިތުރަށް ރާއްޖެތެރޭގައި މިހުރި އިންޓަނޭޝަނަލް އެއާޕޯޓްތައް ތަރައްގީކުރަން އެބޭފުޅުންނަށް ހިތްވަރަކަށް ވެސް ވެގެންދާނެ،" އަމީން ވިދާޅުވި އެވެ.
އަމީންގެ އެ ހުށަހެޅުމަށް އެމްޑީޕީގެ ޕީޖީ ލީޑަރު ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް ތާއިދުކުރެއްވި އެވެ.
މުޅި މަޖިލިސް ކޮމެޓީން އެ އިސްލާހަށް ވޯޓު ދިން ގޮތަކީ:
-
އެ އިސްލާހު ފާސްކުރަން ނުފެންނަ ކަމަށް ވޯޓު ދިނީ: 68 ވޯޓު
-
ފާސްކުރަން ފެންނަ ކަމަށް ވޯޓު ދިނީ: 11 ވޯޓު
-
ވަކިކޮޅަކަށް ނުޖެހި ވޯޓު ދިން މެންބަރެއް ނެތް
އެ އިސްލާހު ފާސްނުކޮށް މުޅި މަޖިލިސް ކޮމިޓީން ބިލް ފާސްކުރީ ބިލް ހުށަހެޅި ގޮތަށް އެއްވެސް ބަދަލެއް ނުގެނެސް އެެވެ. އެ ބިލަށް މުޅި މަޖިލިސް ކޮމެޓީން ވޯޓު ދިނީ:
އެނގުން މުހިންމު - ގާނޫނަށް ގެންނަން ސަރުކާރުން ހުށަހަޅާފައިވާ އިސްލާހުތަކަކީ:
-
އެ އިސްލާހު ފާސްކުރަން ނުފެންނަ ކަމަށް ވޯޓު ދިނީ: 67 ވޯޓު
-
ފާސްކުރަން ފެންނަ ކަމަށް ވޯޓު ދިނީ: 11 ވޯޓު
-
ވަކިކޮޅަކަށް ނުޖެހި ވޯޓު ދިން މެންބަރެއް ނެތް
-
އިކޮނޮމީ ކްލާހުން ފުރާ ބިދޭސީންގެ އަތުން ނަގާ ފީ 30 ޑޮލަރުން 50 ޑޮލަރަށް ބޮޑުކުރުން
-
އިކޮނޮމީ ކްލާހުން ފުރާ ދިވެހިންގެ އަތުން ނަގާ ފީ ބޮޑެއް ނުކުރާނެ
-
ބިޒްނަސް ކްލާހުން ފުރާ މީހުންގެ އަތުން ނަގާ ފީ 60 ޑޮލަރުން 120 ޑޮލަރަށް ބޮޑުކުރުން
-
ފަސްޓް ކްލާހުން ފުރާ މީހުންގެ އަތުން ނަގާ ފީ 90 ޑޮލަރުން 240 ޑޮލަރަށް ބޮޑުކުރުން
-
ޖެޓުގައި ފުރާ މީހުންގެ އަތުން ނަގާ ފީ 120 ޑޮލަރުން 480 ޑޮލަރަށް ބޮޑުކުރުން
މި ފީތައް ބޮޑުކުރަން ގާނޫނު އިސްލާހުކުރަނީ 1 ޑިސެމްބަރުއިން ފެށިގެން އެ ފީތައް ބޮޑުވާ ގޮތަށެވެ.
ކޮމެންޓް