ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ނިންމާފައި ހުރި ފްލެޓެއްގެ ކޮޓަރިއެއް: އެ ކުންފުނިން ގެންދަނީ 6،000 ފްލެޓްގެ މަޝްރޫއުއެއް ހިންގަމުން
ފްލެޓް ލިސްޓް އާންމުކުރުން އަނެއްކާ ވެސް ނޮވެމްބަރަށް ލަސްކޮށްފި
'ގެދޮރުވެރިޔާ ސްކީމް'ގެ ދަށުން މިދިޔަ ސަރުކާރުގައި ހުޅުމާލޭގެ ދެވަނަ ފިޔަވަހީގައި ތަރައްގީ ކުރަން ފަށާފައިވާ 4،000 ފްލެޓް ލިބޭ ފަރާތްތަކުގެ ލިސްޓް އާންމުކުރުން ނޮވެމްބަރު މަހަށް ފަސްކޮށްފި އެވެ.
ވީ ކިހިނެއް؟ - ހައުސިން މިނިސްޓްރީން މިއަދު ނެރުނު ބަޔާނެއްގައި ބުނީ:
-
މިދިޔަ ސަރުކާރުން އާންމުކުރި ފްލެޓް ލިބޭ މީހުންގެ ލިސްޓާ މެދު އާންމުން އެންޓި ކޮރަޕްޝަން ކޮމިޝަން (އޭސީސީ)އަށް ހުށަހެޅި މައްސަލަތަކާ ގުޅިގެން ރައީސް އެކުލަވާލައްވާފައިވާ ހައުސިން އެޑްވައިޒަރީ ކޮމިޓީ އަދި ސިޓީ ކައުންސިލުން އެކުލަވާލާފައިވާ ހައުސިން ކޮންސަލްޓޭޓިވް ކޮމިޓީން ވެސް ނިންމާފައިވަނީ ފްލެޓަށް ލާފައިވާ ހުރިހާ ފޯމްތައް އަލުން އިވެލުއޭޓް ކުރަން
-
އެ މަސައްކަތްތައް ކުރިއަށްދާ ކަން ފާހަގަކުރަމުން ހައުސިން މިނިސްޓްރީން ބުނީ އަލުން އިވެލުއޭޓް ކުރުމަށް އަދިވެސް އިތުރުވަގުތު ބޭނުންވާ ކަމަށް
"މި މަސައްކަތް ފުރިހަމައަށް ނިންމާލުމަށް އިތުރު ވަގުތު ބޭނުންވާތީ، މިއަހަރުގެ ނޮވެމްބަރު މަހުގެ ދެވަނަ ހަފްތާގެ ނިޔަލަށް ވަގުތީ ލިސްޓް އާންމުކުރުމުގެ މަސައްކަތްތައް މިނިސްޓްރީން ކުރަމުންދާނެ ވާހަކަ މައުލޫމާތަށްޓަކައި ދެންނެވީމެވެ،" ބަޔާނުގައިވެ އެވެ.
އެނގުން މުހިންމު - ހައުސިން މިނިސްޓަރު ޑރ. އަލީ ހައިދަރު މި ފަހުން ވިދާޅުވީ މި މަސް ނިމުމުގެ ކުރިން ފްލެޓް ލިސްޓް އާންމު ކުރާނޭ ކަމަށެވެ.
އެ ލިސްޓް އާންމު ނުކުރުމާއި ކުރީ ސަރުކާރުން ހިންގި ބިންވެރިޔާ ސްކީމުން ގޯތި ލިބުނު ފަރާތްތަކަށް ގޯތިތައް ނުދީގެން މުޒާހަރާތައް ވެސް އަންނަނީ ކުރަމުންނެވެ.
ކޮމެންޓް