ހަށިވިއްކުމުގެ ވިޔަފާރީގައި މި މަހު ހައްޔަރުކުރި މީހުން. (ފޮޓޯ/ އިމިގްރޭޝަން)
ހަށިވިއްކުމުގެ ވިޔަފާރި ކުރި 6 މީހުން ޑީޕޯޓްކޮށްފި
މާލޭގައި ފުޅާ ދާއިރާއެއްގައި ހަށިވިއްކުމުގެ ވިޔަފާރި ކުރަމުންދިޔަ ބިދޭސީންތަކެއް ޑީޕޯޓްކޮށްލައިފި އެވެ.
ވީ ކިހިނެއް؟ - އެ މީހުން ހައްޔަރުކޮށްފައިވަނީ އިމިގްރޭޝަނާއި ފުލުހުން ގުޅިގެން، ހަށިވިއްކާ ބިދޭސީން ހޯދަން މި މަހު ކުރިއަށް ގެންދިޔަ ހާއްސަ އޮޕަރޭޝަންތަކެއްގަ އެވެ.
ތަފްސީލް - އެކަމާ ގުޅޭ ގޮތުން އިމިގްރޭޝަނުން މިއަދު ބުނި ގޮތުގައި:
-
ފަސް މައްސަލައެއްގައި، ހަށިވިއްކަން އުޅުނު ހަތް އަންހެނުން އަދި އެޖެންޓުންގެ ގޮތުގައި މަސައްކަތްކުރި ދެ ފިރިހެނުން އިމިގްރޭޝަންގެ ބެލުުގެ ދަށަށް ގެންދިޔަ
-
އެ މައްސަލަތައް ތަހުގީގްކޮށް، ފަސް އަންހެނުންނާއި ފިިރިހެނަކު ޑީޕޯޓްކޮށްފައިވޭ
-
އަނެއް ތިން ބިދޭސީން ޑީޕޯޓްކުރުމުގެ މަސައްކަތް ދަނީ ކުރަމުން
-
އެ މީހުން ނިސްބަތްވާ ގައުމުތަކެއް ހާމައެއް ނުކުރޭ
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިއަ ބިދޭސީން ހޯދުމަށް އިމިގްރޭޝަނާއި ފުލުހުން ގުޅިގެން މި އޮކްޓޫބަރު މަހުގައި ވަނީ ހާއްސަ އިންސްޕެކްޝަން ތަކެއް ހިންގާފައި. އެގޮތުން މިފަދަ 05 މައްސަލައަކާއި ގުޅިގެން ބިދޭސީ 07 އަންހެނަކު އަދި އެޖެންޓުންގެ ގޮތުގައި… pic.twitter.com/TsFCzVWCSY
— Maldives Immigration (@ImmigrationMV) October 27, 2024
ފާހަގަކޮށްލެވޭ - ހަށިވިއްކުމުގެ ފިޔަފާރީގައި އުޅުނު ތިން ބިދޭސީ އަންހެނުންނާއި އެޖެންޓުންގެ ގޮތުގައި މަސައްކަތްކުރި ބިދޭސީ ފިރިހެނަކު މިދިޔަ އޯގަސްޓު މަހު ވެސް ވަނީ ޑީޕޯޓްކޮށްލާފަ އެވެ.
މާލެ ސަރަހައްދުގައި ހަށިވިއްކުމަށް މަސާޖު ޕާލާތަކުގެ ނަމުގައި 111 ތަން ހިންގާ ކަމަށާއި އެފަދަ ތަންތަން ހުއްޓުވުމަށް ހާއްސަ މަސައްކަތްތަކެއް ކުރަމުންދާ ކަމަށް ހޯމްލޭންޑް މިނިސްޓަރު އަލީ އިހުސާން ވަނީ މިދިޔަ ފެބްރުއަރީ މަހު ވިދާޅުވެފަ އެވެ. އޭނާ ވިދާޅުވެފައިވާ ގޮތުގައި:
-
ހަށިވިއްކުވުމަށްޓަކައި ބޭރު ގައުމުތަކުން ޓޫރިސްޓް ވިސާގައި މީހުން ރާއްޖެއަށް އެތެރެކޮށް، އެ މީހުން ބޭނުންކޮށްގެން ހަށިވިއްކުމުގެ ކަންކަން ކުރިއަށްދޭ
-
އެ ތަންތަނުން ހައްޔަރުކުރާ މީހުންނާ މެދު މިހާރު އަމަލުކުރަމުންދާ ގޮތަކީ، ބިދޭސީއެއް ނަމަ ވަގުތުން އެ މީހަކު ޑީޕޯޓު ކުރުން
އޭގެ ސަބަބެއް ކަމުގައި އިހުސާން ވިދާޅުވެފައި ވަނީ، ރާއްޖޭގައި އޮންނަ އުސޫލުތަކުގެ ތެރެއިން އެ މީހަކު ބަންދުކޮށް، އެ މީހެއްގެ މައްޗަށް ޝަރީއަތް ހިންގުމަކީ ވަރަށް ހަރަދު ބޮޑު އަދި ސަރުކާރުން ކުރަން ވެސް ބޭނުންނުވާ ކަމަކަށް ނުވުމެވެ. އެހެންކަމުން، ވީހާ ވެސް އަވަހަކަށް އެޅެން އޮންނަ އެންމެ ހަރުކަށި ފިޔަވަޅަކީ ޑީޕޯޓު ކުރުން ކަމަށް ވާތީ އެގޮތަށް އަމަލު ކުރަމުން އަންނަ ކަމަށް އޭނާ ވިދާޅުވެފައިވެ އެވެ.
ކޮމެންޓް (1)
އުސްތާޒަ