13 އޮކްޓޯބަރު 2024: މާފަންނު ޕޮލިސް ސްޓޭޝަން. (ދައުރު ފޮޓޯ/އަބްދުﷲ އަނޫފް ޖުނައިދު)
މަންމައަށް އަނިޔާކޮށް ފޭރުނު މައްސަލައެއްގައި ދަރިއަކު ހައްޔަރުކޮށްފި
މަންމައަށް އަނިޔާކޮށް ވަޅިން ބިރުދައްކައިގެން ފޭރުނު މީހަކު މިއަދު ހައްޔަރުކޮށްފި އެވެ.
ވީ ކިހިނެއް؟ - ފުލުހުން މިއަދު ބުނިގޮތުގައި ހުޅުމާލޭ ދެވަނަ ފިޔަވަހީގެ އެޕާޓުމަންޓެއް ތެރެއިން އަންހެނަކު ރޯ އަޑު އިވޭ ކަމަށް އިއްޔެ އިރުއޮއްސި 6:17 ހާއިރު ރިޕޯޓުކޮށްފައިވެ އެވެ.
ތަފްސީލް - މި ރިޕޯޓާ ގުޅިގެން ފުލުހުން ގޮސް އެ އެޕާޓުމަންޓުގައި ޓަކި ދިނުމުން އަންހެނަކު ދޮރު ހުޅުވައި، އޭނާއަށް އަނިޔާކޮށް ފޯނު ފޭރިގަނެގެން ދަރިފުޅު ގޮސްފައިވާ ކަމަށް ބުނެފައިވާ ކަމަށް ފުލުހުން ބުންޏެވެ.
މި މައްސަލާގައި މިއަދުގެ ވަގުތެއްގައި ހައްޔަރުކޮށްފައިވަނީ:
-
މުހައްމަދު އިސްމާއިލް، 28
އަންހެންމީހާއާ ހަވާލާދީ ފުލުހުން ބުނިގޮތުގައި:
-
އަންހެންމީހާގެ ދަރިފުޅު އޭނާއަށް އަނިޔާކޮށް ވަޅިން ހަމަލާދީ މަރާލާނެ ކަމަށް އިންޒާރުދީފައިވޭ
-
އެއަށް ފަހު އަންހެންމީހާގެ ފޯނު ފޭރިގަނެގެން ގޮސްފައިވޭ
އަންހެންމީހާއަށް ހޮސްޕިޓަލުގައި ފަރުވާދިނުމަށް ފަހު ރޭގެ ވަގުތެއްގައި ދޫކޮށްލާފައިވާ ކަމަށާއި އެ މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.
ކޮމެންޓް