މަގުތައް މަތީ އުޅޭ ޑްރަގަށް ދެވިހިފާފައިވާ މީހުން ހައްޔަރުކޮށް ރިމާންޑް ސެންޓަރަށް ގެންދަން ފަށަނީ

މާލޭގެ މަގުތަކުގައި އުޅޭ މަސްތުވާތަކެތީގެ ވަބާގައި ޖެހިފައިވާ ޒުވާނުން ހޯދައި ހޯމްލޭންޑް ސެކިއުރިޓީން ހިންގާ ރިމާންޑް ސެންޓަރުތަކަށް ގެންގޮސް ފަރުވާދޭން ފަށަން ނިންމާފައިވާ ކަމަށް ހޯމްލޭންޑް މިނިސްޓަރު އަލީ އިހުސާން ވިދާޅުވެއްޖެ އެވެ.

ވީ ކިހިނެއް؟ - މަސްތުވާތަކެތީގެ ގާނޫނުގެ ދަށުން ގާއިމްކުރަން ޖެހޭ އެ ސެންޓަރު ކުރީގެ ރައީސް އިބްރާހިމް މުހައްމަދު ސޯލިހްގެ ސަރުކާރުގައި ކ. ހިންމަފުށިގައި ހެދުމަށް ފަހު، ވަކި ހިސާބަކުން އެތަން ހިންގުން އޮތީ ހުއްޓިފަ އެވެ. އެ ސެންޓަރު އަލުން ބޭނުންކުރަން ފަށާފައިވަނީ މިދިޔަ ޖޫން މަހުގެ 15ގަ އެވެ.

ތަފްސީލް - ހޯމްލޭންޑް މިނިސްޓްރީން މިއަދު ރައީސް އޮފީހުގައި ބޭއްވި ނޫސް ކޮންފަރެންސެއްގައި މިނިސްޓަރު އިހުސާނު ވިދާޅުވީ ރިމާންޑް ސެންޓަރަށް މީހުން ގެންދިއުމަށް، މަސްތުވާތަކެތީގެ ވަބާގައި ޖެހިފައި ތިބި، ވަންނާނެ ތަނެއް ނެތް މީހުން ހޯދަން މިއަދު ހަވީރު ނުކުންނާނެ ކަމަށެވެ.

އޭނާ ވިދާޅުވި ގޮތުގައި

ގުޅުންހުރި - ފުލުހުންގެ ކުރީގެ ތަރުޖަމާނު އެސިސްޓެންޓް ކޮމިޝަނަރު އޮފް ޕޮލިސް އަހްމަދު ޝިފާން މީގެކުރިން 'ދައުރު'އަށް ވިދާޅުވީ މިދިޔަ ޖޫން މަހު 15 އިން ފެށިގެން ޖޫން 21 ގެ ނިޔަލަށް ހަތް މީހަކު އެ ސެންޓަރުގައި ބަންދުކޮށްފައިވާ ކަމަށެވެ.

އެތަން ހިންގަނީ، އޭނާ ވިދާޅުވި ގޮތުގައި، ފުލުހުން ސެކިއުރިޓީ ބަލަހައްޓާ ގޮތަށް ނޭޝަނަލް ޑްރަގް އެޖެންސީ (އެންޑީއޭ) އިންނެވެ.

އެނގުން މުހިންމު - މީގެ 13 އަހަރު ކުރިން، 2011ގައި ތަސްދީގުކުރި މަސްތުވާތަކެއްޗާ ބެހޭ ގާނޫނުގެ 47 ވަނަ މާއްދާގައި ބުނާ ގޮތުން، އެ ގާނޫނަށް އަމަލުކުރަން ފަށާތާ 18 މަސްދުވަހުގެ ތެރޭ ޑްރަގް އޮފެންޑާ ރިމާންޑް ސެންޓަރެއް ނޭޝަނަލް ޑްރަގް އެޖެންސީ (އެންޑީއޭ) ގާއިމް ކުރަން ޖެހެ އެވެ.

އެ ސެންޓަރުގެ ބޭނުމަކީ، މަސްތުވާތަކެތި ބޭނުންކުރުމާއި ޕެޑެލްކުރުމުގެ ކުށުގެ ތުހުމަތުގައި ހައްޔަރުުކުރާ މީހުން، ބަންދުގެ މުއްދަތުގައި އެތަނުގައި ބައިތިއްބައިގެން، އެމީހުންނަށް ލިބެންވާ އަސާސީ ފަރުވާ ދިނުމެވެ.