ޓެކްސް އެޕީލް ޓަރައިބިއުނަލް. (ފޮޓޯ/މިނިވަން ނިއުސް)
ޓެކްސް އެޕީލް ޓްރައިބިއުނަލްގެ 4 މަގާމަށް 13 ނަމެއް ފޮނުވައިފި
ޓެކްސް އެޕީލް ޓްރައިބިއުނަލްގެ ހުސްވެފައިވާ ހަތަރު މަގާމަށް 13 ނަމެއް ރައްޔިތުންގެ މަޖިލީހަށް ފޮނުވައިފި އެވެ.
ވީ ކިހިނެއް؟ - ޖުމްލަ ފަސް މެންބަރުންގެ މައްޗަށް އެކުލެވިގެންވާ ޓެކްސް އެޕީލް ޓްރައިބިއުނަލްގެ ރައީސް އާއި ނައިބު ރައީސް ހިމެނޭ ގޮތަށް ހަތަރު މެމްބަރަކު މިދިޔަ އޮގަސްޓް މަހު ރައީސް މުހައްމަދު މުއިއްޒު ވަކިކުރެއްވީ، މަޖިލީހުން އެ މީހުން ވަކިކުރަން ފާސްކުރުމާ ގުޅިގެންނެވެ. އޭގެ ތެރޭގައި ހިމެނެނީ:
-
ރައީސް މުހައްމަދު މުނައްވަރު އަލީ
-
ނައިބު ރައީސް ހުސެއިން ޒައިދާން ޖަލީލު
-
މެމްބަރު އަހްމަދު އަޝްރަފް
-
މެމްބަރު ހަދީޖާ ނައީމް
-
މެމްބަރު އިސްމާއީލް ސާޖިދު
ތަފްސީލް - މަޖިލީހުގެ މިއަދުގެ ޖަލްސާއަށް ރައީސް މުއިއްޒު ވަނީ، އެ މަގާމަށް އިއުލާނުކުރުމުން ކުރިމަތިލީ ފަރާތްތަކުގެ ނަން ފޮނުއްވާފަ އެވެ.
ރައީސް ފޮނުއްވާފައިވާ ނަންތަކަކީ:
-
1-
ހަސަން ޒުހޭރު މުހައްމަދު، ގ. މާވާރުލު/މާލެ
-
2-
އައިޝަތު އާދަމް، ރިވެލި/ރ. އަލިފުށި
-
3-
އިބްރާހިމް ޝަރީފް، ގ. އަލިޝާ/މާލެ
-
4-
ޝިފަްޒާ އަބްދުލްގައްޔޫމް، ގަސްދޮށުގެ/ގއ. ނިލަންދޫ
-
5-
އަހްމަދު ސައީދު، މ. ފަތްކޯނި ހުޅަނގުބައި/މާލެ
-
6-
އަބްދުﷲ އަބްދުލްހަކީމް، އަޒާން ޕެލަސް/ޅ. ނައިފަރު
-
7-
މުހައްމަދު އަމީން ޒާހިރު، ނީލާ/އައްޑޫ ހިތަދޫ
-
8-
މުހައްމަދު ފާރިސް ތޯހާ، ހ. ސޯސަން/މާލެ
-
9-
އަބްދުލް ގަނީ މުހައްމަދު، ހ. ހޮއްސައިޑް/މާލެ
-
10-
އަހްމަދު އަލީ، ހުޅުމާލެ
-
11-
އަލީ ރިޒާ އިސްމާއިލް، ހުޅުމާލެ ހިޔާ
-
12-
ފާތިމަތު ޝަފީނާޒް، ހުޅުމާލެ ގޯތި ނަމްބަރު 11021
-
13-
މަޖީދު އަލީ، މަތަރެސްމާގެ/ގއ. މާމެންދޫ
މިފަދަ މަގާމުތަކަށް މީހުން އައްޔަނުކުރަން އެ ބޭފުޅުންނާ އިންޓަވިއުކުރުމުގެ މަސައްކަތް ކުރީ މަޖިލީހުގެ މިނިވަން މުއައްސަސާތަކުގެ ކޮމިޓީންނެވެ. އެ ކޮމެޓީން އާންމުކޮށް އެފަދަ މަގާމުތަކަށް އިންޓަވިއު ކުރަނީ ރައީސް އިސްކަން ދެއްވާފައިވާ ތަރުތީބުންނެވެ.
ފާހަގަކޮށްލެވޭ ކަމެއް - ފަސް މެމްބަރުންގެ ތެރޭގައި ހިމެނޭ މެމްބަރު އިސްމާއިލް ސާޖިދު ފިޔަވައި ދެން ތިއްބެވި ހުރިހާ ބޭފުޅުން މަގާމުން ވަކިކުރަން ރައީސް މުއިއްޒަށް ލަފާ ދޭން މަޖިލީހުގެ ޖުޑިޝަރީ ކޮމިޓީއަށް ހުށަހެޅުއްވީ ހޮޅުދޫ ދާއިރާގެ މެމްބަރު އަބްދުއްސައްތާރު މުހައްމަދު އެވެ.
ވަކިކުރި މެންބަރުންގެ ތެރޭގައި ސާޖިދު ހިމަނާފައި ނުވަނީ، ޓްރައިބިއުނަލްގައި ހުރި މައްސަލަތައް އެ ކޮމިޓީއާ ހިސާބަށް ގެނައީ އޭނާ ކަމަށް ވާތީ ކަމަށް ކޮމިޓީގެ ނިންމުމުގައި ބުނެފައިވެ އެވެ. ދެން ތިބި މެމްބަރުން ވަކިކުރަން ހުށަހެޅި ސަބަބެއް ކަމަށް މަޖިލީހުން ބުނެފައިވަނީ ޓެކްސް ނެގުމާ ބެހޭ އިދާރީ ގާނޫނުގެ 59 ވަނަ މާއްދާގެ (ހ)ގެ ހަތަރުވަނަ ނަންބަރާ އެ މެމްބަރުން ހިލާފުވެފައިވާތީ ކަމަށެވެ. މެމްބަރުން ވަކިކުރުމާ ގުޅޭ މި މާއްދާގެ ހަތަރުވަނަ ނަންބަރުގައި ބުނަނީ:
-
ބޯޑުގެ މެންބަރެއްގެ ހައިސިއްޔަތުން އަދާކުރަން ޖެހޭ މަސްއޫލިއްޔަތުތައް އަދާކުރުމުގައި އިހުމާލުވުން ނުވަތަ އެކަމަށް ދޭންވާ ސަމާލުކަން ނުދޭކަމަށް ބޯޑަށް ފެނިއްޖެ ނަމަ ނުވަތަ ރައްޔިތުންގެ މަޖިލީހުގެ ކަމާ ބެހޭ ކޮމިޓީއަށް ފެނިއްޖެ ނަމަ އެ މީހަކު ވަކިކުރެވޭނެ ކަމަށް
ކޮމެންޓް