ރައީސް އޮފީސް އިމާރާތް.
އަންނަ މަހު 10ގައި ސަރުކާރު ބަންދު؛ ދިގު ޗުއްޓީއެއް ލިބޭނެ
އަންނަ މަހުގެ 11ގައި ފާހަގަކުރާ ޖުމްހޫރީ ދުވަހާ ގުޅުވައިގެން އަންނަ މަހުގެ 10 ވާ އާދިއްތަ ދުވަހަކީ ބަންދު ދުވަހެއްގެ ގޮތުގައި ރައީސް މުހައްމަދު މުއިއްޒު މިއަދު ކަނޑައަޅުއްވައިފި އެވެ.
ވީ ކިހިނެއް؟ - އެކަމާ ގުޅިގެން ރައީސް އޮފީހުން މިއަދު ކުރި އިއުލާނެއްގައިވާ ގޮތުން، ރައީސް މިގޮތަށް ނިންމެވީ ބަންދު ދުވަސްތަކަށް މެދުކެނޑުމެއް ނައިސް، މުވައްޒަފުންނަށް ޗުއްޓީ ލިބޭ ގޮތަށް ހަމަޖެއްސެވުމަށެވެ.
ހުކުރާއި ހޮނިހިރަށް ފަހު އާދިއްތަ ދުވަސް ބަންދު ކުރުމުން، ހޯމަ ދުވަސްވާ ޖުމްހޫރީ ދުވަހާ އެކު ޖުމްލަ ހަތަރު ދުވަހުގެ ޗުއްޓީއެއް ލިބޭނެ އެވެ.
ފާހަގަކޮށްލެވޭ - ކޮންމެ އަހަރަކު ވެސް ޖުމްހޫރީ ދުވަސް ފާހަގަކުރާ 11 ނޮވެމްބަރަކީ ގައުމީ ބަންދު ދުވަހެކެވެ. މިއީ، ރާއްޖޭގެ ވެރިކަމުގެ ނިޒާމު ރަސްކަމަކުން ޖުމްހޫރިއްޔަތަކަށް ބަދަލުވުން ފާހަގަކުރާ ދުވަހެވެ.
ކޮމެންޓް