ލާމަރުކަޒީ ނިޒާމުގެ ދިފާއުގައި ނުކުންނަން އެމްޑީޕީ ކައުންސިލަރުން އިގުރާރުވެއްޖެ

ރައީސް މުހައްމަދު މުއިއްޒުގެ ސަރުކާރުން ލާމަރުކަޒީ ނިޒާމާއި ކައުންސިލްތަކުގެ ބާރުވެރިކަން ނަގާލަން މަސައްކަތް ކުރާ ކަމަށް ބުނެ، އެ ނިޒާމުގެ ދިފާއުގައި ނުކުތުމަށް އިދިކޮޅު އެމްޑީޕީގެ ކައުންސިލަރުން އެ ޕާޓީގެ ކައުންސިލަރުންގެ ކޮންފަރެންސްގައި އިއްޔެ އިގުރާރު ވެއްޖެ އެވެ.

ވީކިހިނެއް؟ - ސަރުކާރަށް ނިސްބަތްވާ ރައްޔިތުންގެ މަޖިލީހުގެ ބައެއް މެންބަރުން އަލުން "ކަތީބު ނިޒާމު" ގެންނަން ވާހަކަ ދައްކަވާފައި ވަނިކޮށް އަދި ސަރުކާރުން މަޖިލީހަށް ހުށަހަޅާފައިވާ ބައެއް ބިލްތަކާ މެދު ކައުންސިލަރުން ކަންބޮޑުވުން ފާޅުކުރައްވާފައި ވަނިކޮށް، އެމްޑީޕީން ކައުންސިލަރުންގެ ކޮންފަރެންސެއް ހދ. ކުޅުދުއްފުށީގައި އިއްޔެ ބޭއްވި އެވެ.

ތަފްސީލް - އެ ކޮންފަރެންސްގައި ރާއްޖޭގެ އުތުރުގެ ތިން އަތޮޅު ކަމަށްވާ ހއ.، ހދ. އަދި ށ. އަތޮޅުގެ ކައުންސިލަރުން ބައިވެރިވެވަޑައިގަތެވެ. އަދި ރާއްޖޭގެ ފަސް ސިޓީގެ މޭޔަރުން ބައިވެރިވެވަޑައިގެންނެވި އެވެ.

އެ ހުރިހާ ބޭފުޅުން ވެސް އިގުރާރުގައި ސޮއިކުރައްވާފައިވާ ކަމަށް އެމްޑީޕީން ބުންޏެވެ. އެމްޑީޕީގެ 'އެކްސް' އެކައުންޓުން މިރޭ ކުރި ޕޯސްޓުން ފެންނަ ކައުންސިލަރުންގެ އިގުރާރުގައިވާ ކަންކަމަކީ:

ގުޅުން ހުރި - ރަށްރަށުގެ ބިނާވެށި ޕްލޭންކުރުމުގެ ބާރުތަކެއް މިނިސްޓްރީއަށް ލިބޭ ގޮތަށް ސަރުކާރުން މަޖިލީހަށް ފޮނުވި އާބަން ޑިވެލޮޕްމަންޓް ބިލާ ގުޅިގެން ގިނަ ކަންބޮޑުވުންތަކެއް ބައެއް ކައުންސިލަރުންނާއި އެމްޑީޕީން ވެސް މީގެ ކުރިން ފާޅުކޮށްފައިވެ އެވެ.