ތަމްރީނުކުރި ދިވެހިންނަށް އިންޑިއާ އުޅަނދުތައް ނުދޭ ސަބަބުގެ މައުލޫމާތު ނުދޭން ޑިފެންސް މިނިސްޓްރީން ހައި ކޯޓަށް

އިންޑިއާއިން ރާއްޖެއަށް ހަދިޔާކުރި އަސްކަރީ އުޅަނދުތައް ދުއްވަން މީގެ ކުރިން ތަމްރީނުކުރި ދިވެހި ޕައިލެޓުންނަށް އެ ތަކެތި ދުއްވަން ނުދޭ ސަބަބުގެ މައުލޫމާތު ދިނުމަށް އިންފޮމޭޝަން ކޮމިޝަން (އައިމްކޮމް) އިން ނިންމި ނިންމުމެއް ޑިފެންސް މިނިސްޓްރީން ހައި ކޯޓުގައި އިސްތިއުުނާފުކޮށްފި އެވެ.

ވީކިހިނެއް؟ - މައުލޫމާތު ހޯދުމާއި ލިބިގަތުމުގެ ގާނޫނުގެ ދަށުން އެ މައުލޫމާތު ދިނުމަށް ޑިފެންސްގައި އެދުނީ ނޫސްވެރިޔާ ނާޒިމް ހަސަނެވެ. އޭނާ އެދިފައިވާ މައުލޫމާތު ނުދިނުމުން އައިކޮމަށް ހުށަހެޅި ޝަކުވާ ބަލައި މައުލޫމާތުތައް ފޯރުކޮށްދިނުމަށް އެ ކޮމިޝަނުން ޑިފެންސް މިނިސްޓްރީއަށް އެންގީ މިދިޔަ 24 އޮގަސްޓްގަ އެެވެ.

ތަފްސީލް - ހައި ކޯޓުގެ ރަޖިސްޓްރީން ދައްކާ ގޮތުން، ޑިފެންސް މިނިސްޓްރީން އެ ނިންމުން އިސްތިއުނާފުކޮށްފައިވަނީ މިދިޔަ އަންގާރަ ދުވަހު އެވެ. އެ މައްސަލަ ބަލައިގަތުމަށް ހައި ކޯޓުން އަދި ވަކި ގޮތެއް ނުނިންމަ އެވެ.

ނާޒިމް އެދުނު މައުލޫމާތުތަކުގެ ތެރެއިން ޑިފެންސް މިނިސްޓްރީން ދިނީ މިހާރު ދިވެހިން ތަމްރީންކުރުމުގެ މަސައްކަތް ހިނގަމުންދާ ކަމުގެ މައުލޫމާތު އެކަންޏެވެ. އޭނާ އިތުރަށް އެދިފައިވަނީ:

މި މައުލޫމާތުތައް ނުދިނުމަށް ޑިފެންސް މިނިސްޓްރީން ނިންމީ ގާނޫނުގެ 29 ވަނަ މާއްދާއާ ހަވާލާ ދީފަ އެވެ. އެ މާއްދާގައި ބަޔާންކުރަނީ އެ މައުލޫމާތެއް ހާމަކުރުމުން ގައުމީ ސާލަމަތަށް ނުރައްކާވާ ފަދަ މައުލޫމާތު ސިއްރުކުރުމުގެ އިހުތިޔާރު އޮންނާނެ ކަމަށެވެ.

ނަމަވެސް އެ މާއްދާ ނުހިނގާނެ ކަމަށް ބުނާ މައުލޫމާތުތަކެއް ވެސް އެ މާއްދާގައި ބަޔާންކޮށްފައިވެ އެވެ. އައިކޮމްގެ ނިންމުމުގައި ވަނީ އެދިފައިވާ މައުލޫމާތަކީ ގާނޫނުގެ މާއްދާ ނުހިނގާނެ ކަމަށް ބުނާ މައުލޫމާތުތަކެއް ކަމަށެވެ.

މާއްދާ ނުހިނގާނެ ކަމަށް ބަޔާންކުރާ މައުލޫމާތުތަކަކީ:

ގުޅުންހުރި - ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރުގައި ރާއްޖޭގައި ތިބި އިންޑިއާ ސިފައިންގެ އަދަދު ސިއްރުކުރުމަށް އައިކޮމުން ނިންމަނީ ވެސް ގައުމީ ސަލާމަތަށް ނުރައްކާވާ ކަމަށް ކަނޑައަޅައިފަ އެވެ. އެކަމަކު އެ ގޮތަށް ކަނޑައެޅީ ގޯސްކޮށް ކަމަށް ހައި ކޯޓުން ފަހުން ނިންމި އެވެ.