ހުއްދަ ނެތި ވިއްކަމުންދާ 'ބްރައިޓް ވިއު' ބްރޭންޑުގެ އަތުޖެހިއާ މެދު ސަމާލުވާން އެދިއްޖެ

'ބްރައިޓް ވިއު' ބްރޭންޑުގެ އަތުޖެހި އަކީ ކަމާބެހޭ ފަރާތްތަކުގެ ހުއްދަ ނެތި ވިއްކަމުންދާ އުފެއްދުމެއްކަން އިއުލާނުކޮށް، ކާބޯތަކެތި ގަތުމުގައި އެކަމަށް ހާއްސަ ސަމާލުކަމެއް ދިނުމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން އިލްތިމާސްކޮށްފި އެވެ.

ވީ ކިހިނެއް؟ - އެމްއެފްޑީއޭ އިން މިއަދު ނެރުނު ނޫސްބަޔާނެއްގައި ވާގޮތުން، މި އަތުޖެހި ތައްޔާރުކޮށްފައިވާ 'ބްރައިޓް ވިއު'އަކީ، 'އަމިއްލަ ދިރިއުޅުމަށްޓަކައި ކާބޯތަކެތި އުފައްދާ ވިއްކުމުގެ މަސައްކަތް ކުރާ ފަރާތްތައް ދަފުތަރު ކުރުމުގެ އުސޫލު'ގެ ދަށުން އެ އޮތޯރިޓީގައި ދަފްތަރު ކޮށްފައިވާ ފަރާތެއް ނޫނެވެ. 

އެ އުފެއްދުމުގައި ބޭނުންކޮށްފައިވާ ނަންބަރަކީ ވެސް އެ އުސޫލުގެ ދަށުން ދޫކޮށްފައިވާ ނަންބަރެއް ނޫން ކަމުގައި ވެސް އެމްއެފްޑީއޭ އިން ބުންޏެވެ.

ފާހަގަކޮށްލެވޭ - އުސޫލުގެ ދަށުން ދަފްތަރުކޮށްގެން، ހުއްދަތައް ނަގައިގެން ތަކެތި އުފައްދާ ވިއްކަމުންދާ ފަރާތްތަކުގެ މައުލޫމާތު އެމްއެފްޑީއޭގެ 'ދިރިތި' ޕޯޓަލް އާއި ވެބްސައިޓުގެ އިތުރުން ހެލްތު މިނިސްޓްރީގެ ވެބްސައިޓުގައި ވެސް އަދާހަމަކޮށް ޝާއިއުކުރަމުންދާނެ ކަމަށް އެ އިދާރާގެ ނޫސްބަޔާނުގައިވެ އެވެ.

އުސޫލާ ހިލާފަށް އެއްވެސް ފަރާތަކުން އަމަލު ކުރާކަން ފާހަގަކުރެވިއްޖެ ނަމަ، އެކަން އެމްއެފްޑީއޭއަށް ގުޅާ ރިޕޯޓް ކުރުމަށް ވެސް އެދިފައިވެ އެވެ. ރިޕޯޓު ކުރަން ގުޅާނެ ނަންބަރުތަކަކީ:

އެނގުން މުހިއްމު - ސާފުތާހިރުކަން ކުޑަ ތަންތަނުގައި ގަވައިދާ އުސޫލުތަކާ ހިލާފަށް ކާބޯތަކެތި ތައްޔާރުކޮށް ވިއްކަމުންދާ ގިނަ މައްސަލަތަކެއް މިފަހުން ވަނީ ފެންމަތިވެފަ އެވެ. އެއަށްފަހު، އޮގަސްޓު މަހު އަމަލުކުރަން ފެށި ކާބޯތަކެތީގެ ރައްކާތެރިކަމުގެ ގާނޫނުގެ ދަށުން، އެމްއެފްޑީއޭ އަށް ވަނީ އާއްމުންނާ ގުޅޭ ކާބޯތަކެތީގެ ރައްކާތެރިކަން ކަށަވަރު ކުރުމަށް، ގިނަ ބާރުތަކެއް ދީފަ އެވެ. އޭގެތެރޭގައި:

ގުޅުންހުރި - އާއްމު ސިއްހަތާ ބެހޭ ގާނޫނުގެ ދަށުން، ރަޖިސްޓްރީކޮށްގެން ހިންގާ، ކެއިންބުއިމާއި ކާބޯތަކެތީގެ ހިދުމަތް ދޭ ތަންތަން ބަލައި ފާސްކުރުމުގެ ޕްރޮގްރާމެއް މި ޖެނުއަރީ މަހުން ފެށިގެން އޮގަސްޓުގެ ނިޔަލަށް ވަނީ ކުރިއަށް ގެންގޮސްފަ އެވެ. އެ ފަދަ 1،579 ތަނެއް ބަލައި ފާސްކޮށްފައި ވާއިރު، ސާފުތާހިރުކަން ކުޑަވެގެން 14 ތަނެއް ވަނީ ބަންދުކޮށްފަ އެވެ. 

އިމިގްރޭޝަނުން ވެސް އަންނަނީ، ގަވައިދާ ހިލާފަށް ބިދޭސީން ހިންގާ ގިނަ ވިޔަފާރިތަކެއް ވެސް ހުއްޓުވައި މީހުންނާ މެދު ފިޔަވަޅު އަޅަމުންނެވެ. މިއިން އެއްވެސް ތަނަކީ ރަޖިސްޓްރީކޮށްގެން ހިންގާ ތަންތަނެއް ނޫނެވެ.