ކުނޫޒު ގޮއްވާލަން އުޅުނު ކަމަށް އިތުރުކުރީ ގޯސްކޮށް ކަމަށް ހުކުމްކޮށްފި

އައިއީޑީ ބޮމެއް ތައްޔާރުކޮށް 2017ގައި ގޮއްވާލަން ރޭވީ ޖުމްހުރީ ޕާޓީގެ ޖަގަހަ، މ. ކުނޫޒުގައި އޮތް ޖަލްސާއަކަށް އަމާޒުކޮށް ކަމަށް ބުނެ، ދައުވާއަށް އެ ބައި އިތުރުކުރަން ބަދަލު ގެނެސްފައިވަނީ ޖިނާއީ އިޖުރާއަތުގެ ގާނޫނާ ހިލާފަށް ކަމަށް ހައި ކޯޓުން އިއްޔެ ހުކުމްކޮށްފި އެވެ.

މައްސަލައިގެ ފެށުން - މއ. އެނބޫދޫގޭގައި ހުންނަ އެޓިކް އިންޓަނޭޝަނަލް ޕްރައިވެޓް ލިމިޓެޑްގެ އޮފީހުގެ ތެރޭގައި އައިއީޑީއެއް ތައްޔާރުކުރަން އުޅުމުގެ ތުހުމަތުގައި ހަތަރު މީހެއްގެ މައްޗަށް ޓެރަރިޒަމްގެ އަމަލެއް ހިންގަން އުޅުމުގެ ދައުވާ އުފުލި އެވެ. އެ ހަތަރު މީހުންނަކީ:

ވީކިހިނެއް؟ - 2022ގައި މައްސަލަ ބައްލަވާ ގާޒީ ބަދަލުވުމުން ދައުވާ ފޯމަށް ބަދަލެއް ގެންނަން ދައުލަތުން އެދުމުން އެ ފުރުސަތު ގާޒީ ދެއްވި އެވެ. އެގޮތުން، 2017ގައި ދައުލަތުން އުފުލި ދައުވާ އާއި ފަހުން 2022ގައި ދައުވާއަށް ގެނައި މައިގަނޑު ބަދަލަކީ ކުނޫޒުގެ ވާހަކަ އެވެ. އެގޮތުން:

ތަފްސީލް - މި މައްސަލާގައި ދައުވާ ރައްދުވާ އިއުތިސާމް ވަނީ ކްރިމިނަލް ކޯޓުން ދައުވާ ބަދަލުކުރަން ފުރުސަތު ދިނުމަށް ނިންމި ނިންމުން ހައި ކޯޓުގައި އިސްތިއުނާފުކޮށްފަ އެވެ.

އިސްތިއުނާފުގެ މައްސަލާގައި ހައި ކޯޓުން ކުރި ހުކުމުގައި ބުނެފައިވަނީ ދައުވާ ބަދަލުކުރަން ފުރުސަތު ދިނީ ޖިނާއީ އިޖުރާއަތުގެ ގާނޫނުގައި ދިފާއަށް ލިބެން ޖެހޭ ކަމަށް ބަޔާންކުރާ ހައްގުތަކަށް ވެސް އުނިކަން އަންނާނެ ގޮތަކަށް ކަމަށެވެ. އެގޮތުން:

ހައި ކޯޓުން މި ގޮތަށް ހުކުމްކުރީ މައްސަލަ ބެއްލެވި ބެންޗުގެ ފަނޑިޔާރުންގެ އިއްތިފާގުންނެވެ. ބެންޗުގައި ތިއްބެވި ފަނޑިޔާރުންނަކީ:

އެނގުން މުހިންމު - ކުނޫޒުގައި އޭޕްރީލް 2017ގައި ބޮމެއް ގޮއްވާލަން އުޅުނު ކަމަށް ދައުލަތުން ބުނާ އިރު، އޭރު އިދިކޮޅުގެ ޖަލްސާތަކާއި ހަރަކާތްތައް ބާއްވަމުން ދިޔައީ އެ ތަނުގަ އެވެ.

އޭރުގެ އިދިކޮޅު ކޯލިޝަނުގައި ޖުމްހޫރީ ޕާޓީގެ އިތުރުން އެމްޑީޕީ އާއި އަދާލަތު ޕާޓީ އާއި ކުރީގެ ރައީސް މައުމޫން އަބްދުއްގައްޔޫމުގެ ސިޔާސީ ހަރަކާތުން ބައިވެރިވެފައިވެ އެވެ. ސިޔާސީ އިސް ލީޑަރުން ވެސް އެ ޖަލްސާތަކުގައި ބައިވެރިވެވަޑައިގެންފައިވެ އެވެ.