ރައީސް މުހައްމަދު މުއިއްޒު ވަޒީރުންގެ މަޖިލީހުގެ އިއްޔެގެ ބައްދަލުވުމުގެ ރިޔާސަތު ބަލަހައްޓަވަނީ (ފޮޓޯ/ރައީސް އޮފީސް)
ސީޕްލޭން ހިދުމަތް ދޭން އެމްއޭސީއެލްއާ އެކު ޖޮއިންޓް ވެންޗާ ކުންފުންޏެއް އުފައްދަނީ
ރާއްޖޭގެ ސީޕްލޭންގެ ވިޔަފާރި ޒަމާނީކޮށް، އިތުރަށް ފުޅާކުރުމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އާއެކު ޖޮއިންޓް ވެންޗާ ކުންފުންޏެއް އުފެއްދުމަށް ރައީސް މުހައްމަދު މުއިއްޒު ނިންމަވައިފި އެވެ.
ތަފްސީލް - ރައީސް އޮފީހުން ބުނިގޮތުގައި ރައީސް މިގޮތަށް ނިންމެވީ އިއްޔެ ބޭއްވި ވަޒީރުންގެ މަޖިލީހުގެ ބައްދަލުވުމުގައި ފިނޭންސް މިނިސްޓްރީން ހުށަހެޅި ކަރުދާހަކަށް މަޝްވަރާކުރެއްވުމަށް ފަހު ވަޒީރުންގެ މަޖިލީހުގެ ލަަފަޔާ އެއްގޮތަށެވެ.
ރައީސް އޮފީހުން ބުނީ މި ޖޮއިންޓް ވެންޗާގެ މަގުސަދަކީ އައިލެންޑް އޭވިއޭޝަން ސާވިސަސް ލިމިޓެޑް (އައިއޭއެސްއެލް) އިން ހިންގަމުން ގެންދާ 'މޯލްޑިވްސް ސީޕްލޭން'ގެ ވިޔަފާރި ފުޅާކޮށް ދެމެހެއްޓެނިވި ގޮތެއްގައި ކުރިއަށް ގެންދިއުން ކަމަށެވެ. ޖޮއިންޓް ވެންޗާ ކުންފުންޏެއް އުފެއްދެވުމަށް ރައީސް ނިންމެވީ، އެ އޮފީހުން ބުނިގޮތުގައި، އެމްއޭސީއެލްއާ އެކު ސްޓްރެޓީޖިކް ޕާޓްނާޝިޕެއް ގާއިމްކޮށް، މި ޕާޓްނާޝިޕްގެ ދަށުން ސީޕްލޭން ހިދުމަތް ދިނުމަށެވެ.
ރައީސް އޮފީހުން ބުނިގޮތުގައި:
-
އެމްއޭސީއެލްއާ އެކު ޖޮއިންޓް ވެންޗާ ކުންފުންޏެއް އުފެއްދުމުގެ ކަންކަން ކުރިއަށް ގެންދިއުމަށް ރައީސް ނިންމަވާފައިވަނީ އައިލެންޑް އޭވިއޭޝަންގެ ފުރިހަމަ ކޮންޓްރޯލް އޮންނަ ގޮތަށް
-
ޖޮއިންޓް ވެންޗާ ކުންފުންޏެއް އުފެއްދުމުގެ ކަންކަން 30 އެޕްރީލް 2025 އަށް ނިންމުމަށް ވަނީ ކަނޑައަޅާފައި
-
ނިންމަންޖެހޭ ކަންކަން އިކޮނޮމިކް ކައުންސިލަށް ހުށަހަޅައިގެން ކުރިއަށްގެންދާނެ
ގުޅުންހުރި - ވަޒީރުންގެ މަޖިލީހުގެ އިއްޔެގެ ބައްދަލުވުމުގައި މީގެ އިތުރުން، ރާއްޖޭގެ އިގްތިސާދު ސިންދަފާތުކޮށް ކަނޑުގެ ވަސީލަތްތަކުން ލިބޭ ނަފާ އިތުރުކުރުމަށް ކުރިއަށް ގެންދާނެ ކަންތައްތަކެއް ވެސް ވަނީ ކަނޑައަޅާފަ އެވެ.
އެގޮތުން ނިންމި ކަންތައްތަކުގެ ތެރޭގައި ހިމެނެނީ:
-
ރާއްޖޭގައި މެރިކަލްޗާގެ ވިޔަފާރިތައް ގާއިމުކުރުމަށްޓަކައި، ހެޗަރީތައް ބިނާކުރުމާއި ހެޗަރީގައި އުފައްދާ ބާވަތްތައް މޫދުގެ މާހައުލުގައި ބޮޑުކުރުމަށް، ފޮރިން އިންވެސްޓްމަންޓްތައް ހިމެނޭ ގޮތަށް އާންމުކޮށް ހުޅުވާލައިގެން، ވަކި ޒޯނުތަކެއް މެރިކަލްޗާ ތަރައްގީކުރާ ޒޯންތަކެއްގެ ގޮތުގައި ކަނޑައެޅުން
-
މާލެއަތޮޅު ދެކުނުން، ވާދޫ ކަނޑުއޮޅިން ފެށިގެން ގާތްގަނޑަކަށް 7 ކިލޯމީޓަރު ދެކުނުން އޮތް ޖުމްލަ 73 ހެކްޓަރުގެ ފަރުގެ ސަރަހައްދަކީ ކޮމާޝަލް ސްކޭލެއްގައި ފާނަ އާލާކުރުމުގެ މަސައްކަތް ހިންގުމަށް ހާއްސަކުރާ މޫދުކޮށީގެ ސަރަހައްދެއްގެ ގޮތުގައި ކަނޑައެޅުން
ކޮމެންޓް (1)
ސިކުނޑި