ޕީއެންސީގެ ދާއިރާތަކުގެ އިންތިހާބު ނޮވެމްބަރަށް ފަސްކޮށްފި

ޕްރޮގްރެސިވް ނެޝަނަލް ކޮންގްރެސް (ޕީއެންސީ)އިން އަންނަ މަހު ބާއްވަން ތާވަލުކުރި ދާއިރާތަކުގެ އިންތިހާބު ނޮވެމްބަރަށް ފަސްކޮށްފި އެވެ.

ވީ ކިހިނެއް؟ - ޕީއެންސީއިން ކުރިން އެ އިންތިހާބު ބާއްވަން ނިންމީ 19 އޮކްޓޫބަރުގަ އެވެ. ނަމަވެސް އެ ޕާޓީން މިރޭ ކުރި އިއުލާނެއްގައި ބުނީ 9 ނޮވެމްބަރަށް އިންތިހާބު ފަސްކޮށްފައިވާ ކަމަށެވެ.

ތަފްސީލު – އިންތިހާބު ފަސްކުރީ، ޕީއެންސީއިން ބުނި ގޮތުގައި، މަގާމުތަކަށް ޝައުގުވެރިވާ ގިނަ ބަޔަކު އެކަމަށް އެދޭތީ އެވެ.

އިންތިހާބު ބާއްވާ ތާރީހު ބަދަލުވުމާ އެކު، އެ އިންތިހާބުގައި އެކި މަގާމުތަކަށް ކުރިމަތިލުމަށް ދިން މުއްދަތު 30 ސެޕްޓެމްބަރުން 24 އޮކްޓޫބަރުގެ އިރުއޮއްސި 6އަށް ވަނީ އިތުރުކޮށްފަ އެވެ.

ޕީއެންސީގެ ދާއިރާތަކުގެ އިންތިހާބުގައި ކުރިމަތިލުމަށް ހުޅުވާލި މަގާމުތަކަކީ:

ފާހަގަކޮށްލެވޭ - ރައްޔިތުންގެ މަޖިލީހުގައި ޕީއެންސީގެ މެންބަރުން ތިއްބެވި ދާއިރާތަކުގައި ރައީސަކަށް ވާނީ އެ މެންބަރެވެ. އެހެންވެ، ދާއިރާ ރައީސްގެ އިންތިހާބު ބާއްވާނީ ޕީއެންސީގެ މަޖިލިސް މެންބަރެއް ނެތް ދާއިރާތަކުގަ އެވެ.

އެހެންކަމުން 93 ދާއިރާގެ ތެރެއިން ރައީސުން ހޮވާނީ 18 ދާއިރާއަށެވެ.