ކުޑަކުދިންގެ ބަގީޗާ ކުރިމަތީގައިވާ ޕާކިން ލޮޓް: ޕާކިން ސްލޮޓް ކުއްޔަށް ދޫކުރަން ހުއްޓާލަން ޓްރާންސްޕޯޓް މިނިސްޓްރީން ވަނީ އަންގާފައި (ދައުރު ފޮޓޯ/ އަބްދުﷲ އަނޫފް ޖުނައިދް)
މާލެ މަގުތަކުން ޕާކިން ސްލޮޓް ކުއްޔަށް ދޫކުރުން ހުއްޓާލަން ޓްރާންސްޕޯޓުން ސިޓީ ކައުންސިލަށް އަންގައިފި
މާލެ މަގުތަކުން ޕާކިން ސްލޮޓް ކުއްޔަށް ދޫކުރުން ހުއްޓާލަން ޓްރާންސްޕޯޓް މިިިނިސްޓްރީން މާލެ ސިޓީ ކައުންސިލަށް އަންގައިފި އެވެ.
ވީ ކިިހިނެއް؟ - ޓްރާންސްޕޯޓް މިނިސްޓްރީގެ އެންގުން މިއަދު ސަރުކާރު ގެޒެޓުގައި ޝާއިއުކޮށްފައިވެ އެވެ. ގެޒެޓުކޮށްފައިވާ އެންގުމުގައި ބުނާ ގޮތުން ހުއްޓާލަން އަންގާފައިވަނީ މިއަދުން ފެށިގެންނެވެ.
ތަފްސީލް - ޓްރާންސްޕޯޓް މިނިސްޓްރީން ބުނި ގޮތުގައި، އެ އެންގުމަކީ މާލޭގެ މަގުތަކުގެ ތޮއްޖެހުން ކުޑަކުރުމަށް ސަރުކާރުން އަޅަން ނިންމާފައިވާ ފިޔަވަޅުތަކުގެ ތެރެއިން ފިޔަވަޅެކެވެ.
މިިނިސްޓްރީގެ ނިންމުން ނިންމި ސަބަބުތަކުގެ ގޮތުގައި އިތުރަށް ފާހަގަކޮށްފައިވަނީ:
-
މާލޭގެ މަގުތަކުގައި އާންމު ބޭނުމަށް އޮންނަ ޖާގަ ކުޑަވެ، މަގުތައް ބޭނުންކުރުމުގައި ދަތިވެފައިވާތީ
-
އެކި ފަރާތްތަކުން ޒަރޫރީ ބޭނުންތަކަށް އުޅަނދުތަކުގައި މާލޭގެ ތަންތަނަށް ގޮސް، ވަގުތީ ގޮތުން ޕާކުކުރާނެ ޖާގައެއް ނުލިބުމުގެ ދަތިކަން ހައްލުކުރުމަށް މަގުފަހިކުރުމަށް
-
އެންމެހާ ރައްޔިތުންނަށް ހަމަހަމަ ގޮތުގައި މަގުތަކުގައިވާ އާންމު ޖާގަތައް ބޭނުން ހިފޭގޮތަށް ކަންކަން ފަހިކުރުމަށް
ފާހަގަކޮށްލެވޭ - މާލެ ސިޓީ ކައުންސިލުން، މާލޭގެ އާންމު ޖާގަތަކުންނާއި ޕާކިން ޒޯންތަކުން ކުއްޔަށް ޕާކިން ސްލޮޓްތައް ދޫކުރަން ފެށީ، މިހާރުގެ ރައީސް މުހައްމަދު މުއިއްޒު މާލޭގެ މޭޔަރަކަށް ހުންނެވި ދުވަސްވަރު އެވެ.
ކޮމެންޓް (1)
ސިކުނޑި