ރައީސް މުއިއްޒު މީގެ ކުރިން ރަސްމީ ދަތުރެއްގައި ބޭރަށް ފުރާވަޑައިގަންނަވަނީ (ފޮޓޯ/ރައީސް އޮފީސް)
އދ. ގައި ތަގުރީރުކުރެއްވުމަށް ރައީސް މި މަހު އެމެރިކާއަށް ވަޑައިގަންނަވަނީ
އެކުވެރި ދައުލަތްތަކުގެ ޖަމްއިއްޔާ، އދ. ގެ އާންމު މަޖިލީހުގެ މި އަހަރުގެ ސެޝަނުގައި ރައީސް މުހައްމަދު މުއިއްޒު ތަގުރީރު ދެއްވުމަށް، ނިއުޔޯކަށް ދަތުރު ކުރައްވަން ނިންމަވާފައިވާ ކަން ރައީސް އޮފީހުން މިއަދު އިއުލާންކޮށްފި އެވެ.
ވީ ކިިހިނެއް؟ - ރައީސް އޮފީހުން މިހާރު ކުރިއަށްދާ ނޫސްވެރިންގެ ބައްދަލުވުމުގައި އދ.ގެ އާންމު މަޖިލީހުގެ 79 ވަނަ ސެޝަންގައި ރައީސް ތަގުރީރު ކުރައްވާނެ ކަން އިއުލާން ކުރެއްވީ އެ އޮފީހުގެ ތަރުޖަމާނު ހީނާ ވަލީދެވެ.
ތަފްސީލް - ރައީސްގެ ދަތުރުފުޅާ ގުޅޭ ގޮތުން ހީނާ ދެއްވި އިތުރު ތަފްސީލްތަކަކީ:
-
އދ. ގެ ސަލާމަތީ މަޖިލީހުގެ 'އޯޕަން ޑިބޭޓެއް'ގައި ރައީސް ބައިވެރިވެވަޑައިގެން ވާހަކަ ދައްކަވާނެ
-
މި މަހު 22 އިން 24 އަށް އޮންނަ، އދ. ގެ 'ސަމިޓް ފޮ ފިއުޗާ' ގައި ވެސް ރައީސް ބައިވެރިވެވަޑައިގަންނަވާނެ
މީގެ އިތުރަށް ޕްރިންސްޓަން ޔުނިވާސިޓީގެ ދަރިވަރުންނަށް ލެކްޗާއެއް ރައީސް މުއިއްޒު ދެއްވުމަށް ހަމަޖެހިފައިވާ ކަމަށް ރައީސް އޮފީހުން ބުންޏެވެ.
ރައީސް އދ. އަށް ކުރައްވާ ދަތުރުފުޅު ފައްޓަވާނޭ ސީދާ ތާރީހެއް ހާމައެއް ނުކުރެ އެވެ.