ދީނީ ޖަމިއްޔާތަކުގެ މަހާސިންތާ ފެށުމުގެ ރަސްމިއްޔާތުގައި މިނިސްޓަރު މުހައްމަދު ޝަހީމް އަލީ ސައީދު ވާހަކަފުޅު ދައްކަވަނީ - ފޮޓޯ: އިސްލާމިކް މިނިސްޓްރީ
ސަރުކާރުން ދީނީ ޖަމިއްޔާތަކަށް ވަސީލަތާއި މާލީ އެހީ ފޯރުކޮށްދެނީ
ދީނީ ޖަމިއްޔާތަކަށް އިސްލާމިކް މިނިސްޓްރީގެ އެކި ވަސީލަތްތައް ފޯރުކޮށްދިނުމާއި މާލީ އެހީތެރިކަން ފޯރުކޮށްދިނުމުގައި ގެންގުޅޭނެ އިންތިޒާމެއް ހަމަޖެއްސުމަށް މިނިސްޓްރީ އާއި ޖަމިއްޔާތައް ގުޅިގެން މިއަދު މަހާސިންތާއެއް ފަށައިފި އެވެ.
ވީ ކިހިނެއް؟ - މިއަދު ހެނދުނު އިސްލާމީ މަރުކަޒުގެ ޖަލްސާކުރާ މާލަމުގައި މަހާސިންތާއެއް ފެށީ، ރާއްޖޭގައި ހަރަކާތްތެރިވާ ދީނީ ހިދުމަތްތައް ފޯރުކޮށްދޭ 70 ޖަމިއްޔާއަކުން 98 މަންދޫބުން ބައިވެރިވާ ގޮތަށެވެ.
ކީކޭ ބުނީ؟ - އެ މަހާސިންތާ ފެށުމުގެ ރަސްމިއްޔާތުގައި ވާހަކަ ދައްކަވަމުން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ މިނިސްޓްރީގެ އެހީތެރިކަމަކީ ޖަމިއްޔާތަކުން ވަރަށް ބޮޑަށް އެދޭ ކަމަށެވެ. އެގޮތުން:
-
ޖަމިއްޔާތަކުން މާލީ އެހީތެރިކަމަށް އެދި މިނިސްޓްރީއަށް ސިޓީ ލިބޭ
-
މިނިސްޓްރީން ވަސީލަތްތައް ހޯދަން ވެސް ޖަމިއްޔާތަކުން ޕްރޯޕޯސަލް ހުށަހަޅާ
"އިރާދަކުރެއްވިއްޔާ އަޅުގަނޑުމެންނަށް އެ ކަންކަން ފޯރުކޮށްދެވޭނެ. އެކަމަކު ކޮންމެ ވެސް އިންތިޒާމެއްގެ ތެރެއިން، ނިޒާމެއްގެ ތެރެއިން، ލިޔެކިޔުމުން ފެންނާނެ ގޮތަކަށް އެ ކަންކަން ހަމަޖައްސަން ވާނީ،" މިނިސްޓަރު ވިދާޅުވި އެވެ.
ތަފްސީލް - އިސްލާމިކް މިނިސްޓްރީން ބުނީ އެ މަހާސިންތާގެ ތެރެއިން ދީނީ ދައުވަތުގެ ކަންކަމުގައި ކުރެވިދާނެ ކަންކަމާއި މިނިސްޓްރީގެ ތެރެއިން ރަނގަޅު ކުރަންވީ ކަންކަމުގެ ޚިޔާލު ހުށައެޅުމުގެ ފުރުސަތު ވެސް ޖަމިއްޔާތަކަށް ލިބިގެންދާނެ ކަމަށެވެ.
ކޮމެންޓް (1)
ކޮސް