ފައިސާގެ އޮނިގަނޑު ހަރުދަނާކޮށް ރުފިޔާ އިން އިންވެސްޓްމެންޓްތައް ހެދުމަށް ޗައިނާއާ އެކު އެމްއޯޔޫއެއްގައި ސޮއިކޮށްފި

ދެ ގައުމުގެ ދެމެދުގައި ވިޔަފާރި ކުރުމާއި އިންވެސްޓުކުރުން ފަސޭހަވާނެ ގޮތަށް ފައިސާގެ އޮނިގަނޑު ހަރުދަނާ ކޮށް، ދިވެހި ރުފިޔާ އިން ސީދާ އިންވެސްޓްމެންޓްތައް ކޮށް، ކަރަންޓު އެކައުންޓުން ސެޓްލްމެންޓް ހެދުމަށް ބާރުއެޅުމަށްޓަކައި ރާއްޖެ ސަރުކާރުން ޕީޕަލްސް ބޭންކް އޮފް ޗައިނާ (ޕީބީއޯސީ)އާ އެކު އެމްއޯޔޫއެއްގައި ސޮއިކޮށްފި އެވެ.

ވީ ކިހިނެއް؟ - އިކޮނޮމިކް މިނިސްޓްރީން މިއަދު ނެރުނު ނޫސްބަޔާނެއްގައި ވާގޮތުން، މި އެމްއޯޔޫގައި ސޮއިކޮށްފައިވަނީ، ރައީސް މުހައްމަދު މުއިއްޒު މިއަހަރު ޖެނުއަރީގައި ޗައިނާއަށް ކުރެއްވި ދަތުރުފުޅުގައި ދެގައުމުގެ ގުޅުން ރަނގަޅުކުރެވިފައިވާތީ އެވެ.

ތަފްސީލް - މިނިސްޓްރީން ބުނި ގޮތުގައި ފައިސާގެ އޮނިގަނޑު ހަރުދަނާކުރުމަށް ވެވުނު އެއްބަސްވުމުގެ ތެރެއިން:

އެނގުން މުހިއްމު - މިދިޔަ ސަރުކާރުގައި ޗައިނާ އާއި ރާއްޖެއާ ދެމެދު އޮތް ގުޅުން ހީނަރުވެފައިވާ ނަމަވެސް، އެ ގުޅުން ރަނގަޅު ކުރުމަށް ރައީސް މުއިއްޒު ދަނީ ގިނަ މަސައްކަތްތަކެއް ކުރައްވަމުންނެވެ.

އެ މަސައްކަތުގެ ތެރެއިން ޗައިނާއަށް ދައްކަން ޖެހޭ ލޯނުތައް ފަސްކުރުމުގެ ފެހި ސިގްނަލް ލިބިފައިވާ ކަމަށް ރައީސް ވިދާޅުވެފައިވާ އިރު، ފަތުރުވެރިން އެންމެ ގިނައިން އަންނަ މާކެޓަކީ ވެސް މިހާރު ޗައިނާ އެވެ.