ތަހުލީލުތަކަށް ފަހު ޒަކިއްޔާގެ ހަށިގަނޑު ރަށަށް ފޮނުވާލައިފި

ނ. ހޮޅުދޫގައި މަރުވެފައި އޮއްވާ ފެނުނު ޒަކިއްޔާ މޫސާގެ ހަށިގަނޑު ތަހުލީލު ކުރުމަށް ފަހު އަނބުރާ ރަށަށް ފޮނުވާލައިފި އެވެ.

ވީ ކިހިނެއް؟ - ޒަހަމްތަކަކާ އެކު އޭނާ މަރުވެފައި އޮއްވާ ފެނުނީ މިދިޔަ އަންގާރަ ދުވަހު އޭނާ ދިރިއުޅޭ ގޭގައި ހުރި ގުދަނެއްގެ ތެރެއިންނެވެ.

ތަފްސީލް - ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ ތަހުލީލްތައް ނިންމުމަށް ފަހު ޒަކިއްޔާގެ ހަށިގަނޑު މިއަދު ހެނދުނު މާލޭން ރަށަށް ފޮނުވާލާފައިވާ ކަމަށެވެ.

މައްސަލައިގެން ފެށުން - ޒަކިއްޔާ މުސާ، 50، މާރަނގަ/ހޮޅުދޫ، މަރުވެފައި އޮއްވާ ފެނުނީ އޭނާ ދިރިއުޅޭ ގޭގެ ގުދަން ތެރޭގަ އެވެ. ޒަކިއްޔާގެ މަރާ މެދު ޝައްކުތަކެއް އުފެދުނީ: 

އެ މަރު ތަހުގީގު ކުރުމަށް ފުލުހުންގެ ހާއްސަ ޓީމެއް އަންގާރަ ދުވަހު ވަނީ ހޮޅުދުއަށް ގޮސްފަ އެވެ. އެ މައްސަލައާ ގުޅިގެން އަދި މިހާތަނަށް އެއްވެސް މީހަކު ހައްޔަރެއް ނުކުރެ އެވެ.

ގުޅުންހުރި - އިއްޔެ ހދ. ކުޅުދުއްފުށީ ފަޅުތެރެއިން ވެސް މަރުވެފައި އޮތް މީހަކު ވަނީ ފެނިފަ އެވެ. އެ ރަށުން ފެނުނީ 36 އަހަރުގެ ދިވެހި ފިރިހެނެކެވެ.