ބޭރުގެ މާލީ އެހީ ރާއްޖެއަށް ނުލިބެނީ ދުނިޔޭގެ އިތުބާރު ސަރުކާރަށް ނެތުމުން: ޝާހިދު

ސަރުކާރަކަށް ނުވަ މަސް ދުވަސްވީއިރު ބޭރުގެ ގައުމަކުން ފައިސާގެ އެހީތެރިކަމެއް ރާއްޖެއަށް އަދިވެސް ލިބިފައި ނުވަނީ ބައިނަލްއަގުވާމީ މުޖުތަމައުގެ އިތުބާރު ސަރުކާރަށް މިހާތަނަށް ހޯދިފައި ނުވާތީ ކަމަށް ކުރީގެ ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެ އެވެ.

ވީ ކިިހިނެއް؟ - އެމްޑީޕީގެ ރައީސްގެ މަގާމު ވެސް މިވަގުތު ފުރުއްވަމުން ގެންދަވާ ޝާހިދު މިހެން ވިދާޅުވީ އެ ޕާޓީން މިއަދު ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުންނެވެ. އެގޮތުން:

ބުނީ ކީކޭ؟ - ޖަވާބުގައި ޝާހިދު ވިދާޅުވީ އެއްވެސް އެއްޗެއް ސިއްރުނުވާނެ ކަމަށް ބުނެ އައި މި ސަރުކާރުގައި ވެސް އެ އެހީ ހޯދަން ކުރާ ދަތުރުތަކުގެ ތަފްސީލު ހާމަނުކުރާ ކަމަށެވެ. އެހެންވެ، ގައުމުތަކުން އެހީ ލިބިފައިވާ މިންވަރު ސާފު ވެސް ނުވާ ކަމަށް އޭނާ ވިދާޅުވި އެވެ. 

"ނުވަ މަސް ދުވަސްވީއިރު އެއްޗެއް ނުލިބިއޮތް ކަމަށް ވަންޏާ އޭގެ މާނައަކީ އަދި ބައިނަލްއަގުވާމީ އިތުބާރެއް ނުހޯއްދެވޭ ސަރުކާރަަކަށް،" ޝާހިދު ވިދާޅުވި އެވެ.

އެކަމަކު ތަރައްގީގެ ހުރިހާ ކަމަަކަށް ބޭނުންވާ ފައިސާ، ބޭރުގެ އެހީތެރިކަމާ އެކު ހަމަޖެހިފައިވާ ކަމަށް ވެރިކަމަށް ވަޑައިގަންނަވަން މަސައްކަތް ކުރެއްވިއިރު ރައީސް މުހައްމަދު މުއިއްޒު ވިދާޅުވިކަން ޝާހިދު ފާހަގަކުރެއްވި އެވެ. އެއަށްފަހު ވެރިކަމަށް ވަޑައިގެން މިހާރު ވިދާޅުވަނީ އެކި ގައުމުތަކުން އެހީތެރިކަމުގެ "ފެހި ސިގްނަލް" ލިބިފައިވާ ވާހަކަ ކަމަށް ޝާހިދު ވިދާޅުވި އެވެ. ނަމަވެސް މިހާތަނަށް ހިލޭ އެހީގެ ގޮތުގައި ލިބިފަައިވާ ފައިސާއެއް ފެންނަން ނެތްކަން ވެސް އޭނާ ފާހަގަކުރެއްވި އެވެ.

ޝާހިދު އަދި ވިދާޅުވީ ގައުމަށް ބޭނުންވާ އެހީ ހޯދުމަކީ ފަސޭހަ ކަމެއް ނޫން ކަމަށާއި ގައުމަކަށް ގޮސް މީހަކާ ބައްދަލުކޮށްލާއިރަށް "ސޫޓްކޭހަށް އަޅާފައި ފައިސާއެއް ނުދޭނެ" ކަމަށެވެ.

ޝާހިދު ވިދާޅުވިގޮތުން ގައުމަކުން އެހީ ލިބެނީ: