ހަށިވިއްކުމުގެ ވިޔަފާރިކުރި މައްސަލާގައި ޑީޕޯޓްކޮށްލި ހަތަރު މީހުން(ފޮޓޯ/އިމިގްރޭޝަން)
ހަށިވިއްކަމުންދިޔަ 4 ބިދޭސީއަކު ޑީޕޯޓްކޮށްލައިފި
ރާއްޖޭގައި ހަށިވިއްކައި އެކަމުގެ ވިޔަފާރި ފުޅާ ދާއިރާއެއްގައި ކުރަމުންދިޔަ ބިދޭސީންތަކެއް ޑީޕޯޓްކޮށްލައިފި އެވެ.
ވީ ކިހިނެއް؟ - މި މީހުން ހޯދާފައިވަނީ ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިޔަ ބިދޭސީންތަކަކާ ގުޅޭގޮތުން ފުލުހުންގެ އިންޓެލިޖެންސަށް ލިބުނު މަޢުލޫމާތަކާއެކު މިމަހުގެ 11ގައި ހިންގި ހާއްސަ އިންސްޕެކްޝަނެއްގެ ތެރެއިންނެވެ.
ތަފްސީލް - އިމިގްރޭޝަނުން މިއަދު ބުނިގޮތުގައި އެ އޮޕަރޭޝަނުގެ ތެރެއިން އިމިގްރޭޝަނުގެ ބެލުމުގެ ދަށަށް ގެނެސްފައިވަނީ ހަތަރު ބިދޭސީން ކަމަށެވެ. އެއީ:
-
ހަށިވިއްކުމުގައި އަމަލީގޮތުން އުޅުނު ތިން ބިދޭސީ އަންހެނުން
-
އެމީހުންގެ އެޖެންޓުގެ ގޮތުގައި މަސައްކަތް ކުރަމުންދިއަ ބިދޭސީ ފިރިހެނަކު
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިއަ ބިދޭސީންނާއި ގުޅިގެން @PoliceMv ގެ އިންޓެލިޖެންސަށް ލިބުނު މަޢުލޫމާތަކާއެކު، އިމިގްރޭޝަނާއި ފުލުހުން ގުޅިގެން 2024 އޮގަސްޓު 11 ވަނަ ދުވަހު ވަނީ ހާއްސަ އިންސްޕެކްޝަނެއް ހިންގާފައި. އަދި މިކަމުގައި ޝާމިލްވާ ބިދޭސީ 03… pic.twitter.com/V7q1b7iyFh
— Maldives Immigration (@ImmigrationMV) August 27, 2024
ރާއްޖެ އަނބުރާ ނާދެވޭ ގޮތަށް މި އެންމެން ވެސް މިހާރު ވަނީ ޑީޕޯޓުކޮށްފައި ކަމަށް އިމިގްރޭޝަނުން ބުންޏެވެ. މީގެތެރޭގައި ހިމެނޭ ތިން އަންހެނުން ޑީޕޯޓްކޮށްލާފައި ވަނީ މިދިޔަ ހަފްތާގެ ތެރޭގަ އެވެ. އަދި އެޖެންޓުގެ ގޮތުގައި ހަރަކާތްތެރިވި ފިރިހެންމީހާ ޑީޕޯޓްކޮށްލީ އާދިއްތަ ދުވަހު އެވެ.
ކޮމެންޓް