މީހަކަށް ދޭން އެއްބަސްވި ބިމެއް އެހެން މީހަކަށް ދޭން އުޅޭތީ ކޯޓަށް

ކުޑަކުދިންގެ ކުޅޭ ތަކެއްޗާއި ސީސީޓީވީ ކެމެރާތަކެއްގެ ބަދަލުގައި މިދިޔަ ސަރުކާރުގައި މީހަކަށް ކުއްޔަށް ދިނުމަށް އެއްބަސްވެފައިވާ ބިމެއް މިހާރުގެ ކައުންސިލުން އެހެން މީހަކަށް ދޭން އުޅޭ ކަމަށް ބުނެ ސިވިލް ކޯޓަށް މައްސަލައެއް ހުށަހަޅައިފި އެވެ. އެއާ އެކު، އެ ކޯޓުން މިއަދު ވަނީ އެ ބިމާ ގުޅޭ އެއްވެސް މުއާމަލާތެއް ނުކުރުމަށް އަންގައި ވަގުތީ އަމުރެއް ނެރެފަ އެވެ. 

މައްސަލައިގެ ފެށުން - މި މައްސަލަ ސިވިލް ކޯޓަށް ހުށަހަޅާފައިވަނީ ސިތާރާ އަބްދުﷲ، ގ. މެދުފަރު/މާލެ އެވެ. އޭނާ ހުށަހަޅާފައިވާ މައްސަލާގައިވާ ގޮތުން:

އެއްބަސްވުމާ އެއްގޮތަށް އެ ބިން ހަވާލުކުރުމަށް މާލޭ ކައުންސިލަށް އެންގުމުގެ އިތުރަށް، ގެއްލުމުގެ ބަދަލު ހޯދުމަށް އެދި ސިތާރާގެ ފަރާތުން ސިވިލް ކޯޓަށް މައްސަލައެއް ހުށަހަޅާފައިވެ އެވެ. އަދި އެ މައްސަލާގައި ވަކި ގޮތެއް ކަނޑައަޅަންދެން އެ ބިމާ ގުޅޭ އެއްވެސް މުއާމަލާތެއް ކުރުން ހުއްޓުވައިދިނުމަށް އެދި އޭނާގެ ފަރާތުން ވަގުތީ އަމުރަކަށް އެ ކޯޓުގައި އެދިފައިވެ އެވެ.

ބުނީ ކީކޭ؟ - ސިތާރާ ކޯޓުގައި ބުނެފައިވާ ގޮތުން، އެއްބަސްވުމާ އެއްގޮތަށް މާލެ ކައުންސިލާ ހަވާލުކުރަން ޖެހޭ ކުޑަކުދިންގެ ކުޅޭތަކެއްޗާއި ސީސީޓީވީ ކެމެރާ އޭނާގެ އަމިއްލަ ހަރަދުގައި ވަނީ ހޯދާފަ އެވެ. އަދި އޭނާއަށް ކުއްޔަށް ދޫކުރާ ބިމުގައި އިމާރާތްކުރާ ތަނުގެ ކުރެހުން ވެސް ވަނީ ތައްޔާރުކޮށްފަ އެވެ. އެކަމުގެ ސަބަބުން އޭނާގެ އަތުން ގިނަ ހަރަދުތަކެއް ހޭދަވެފައިވާ ކަމަށް ވެސް ބުނެފައިވެ އެވެ.

ރައްދުގައި ކައުންސިލުން ކޯޓުގައި ބުނެފައިވަނީ އެ ބިމާ ގުޅޭ ގޮތުން ވެފައިވާ އެއްބަސްވުމަކީ އުސޫލުތަކާ ހިލާފަށް ވެފައިވާ އެއްބަސްވުމެއް ކަމަށެވެ. ބިން ހަވާލުކޮށްފައި ނުވަނީ ވެސް އެއީ އުސޫލާ ހިލާފަށް ކޮށްފައިވާ ކަމަކަށްވުމުން ކަމަށް ކައުންސިލުން ބުންޏެވެ.

އެނގުން މުހިންމު - އެ ބިން އޭނާއަށް ދިނުމަށް އެއްބަސްވުން ހަދާފައިވަނީ މިދިޔަ ސަރުކާރުގަ އެވެ. އޭރު މާލޭ ކައުންސިލުގެ މޭޔަރު ކަމުގައި ހުންނެވީ މިހާރުގެ ރައީސް މުހައްމަދު މުއިއްޒު އެވެ.

ނަމަވެސް ކައުންސިލުން ކޯޓުގައި ބުނެފައިވާ ގޮތުން:

މި މައްސަލާގައި މިއަދު ސިވިލް ކޯޓުން ނެރުނު ވަގުތީ އަމުރުގައި ވަނީ: