ބިދޭސީންނާ ގުޅޭ ޓާސްކްފޯސް ބޮޑުކޮށް، ދައުރު ފުޅާކޮށްފި

ރާއްޖޭގައި ގަވައިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށްޓަކައި އުފައްދާފައިވާ ޓާސްކްފޯސްއަށް ހެލްތު މިނިސްޓްރީގެ ދަށުން ހިންގާ ހެލްތު ޕްރޮޓެކްޝަން އޭޖެންސީ (އެޗްޕީއޭ) އާއި މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)ގެ އިތުރުން އިކޮނޮމިކް މިނިސްޓްރީ އިތުރުކޮށް، ޓާސްކްފޯސްގެ ދައުރު އިތުރަށް ފުޅާކޮށްފި އެވެ.

ވީ ކިހިނެއް؟ - ބިދޭސީންގެ މައްސަލައަށް ދާއިމީ ހައްލެއް ހޯދުމުގެ ގޮތުން ރައީސް މުހައްމަދު މުއިއްޒުގެ އެންގެވުމުގެ ދަށުން ހޯމްލޭންޑް މިނިސްޓްރީ އާއި ފުލުހުންނާއި އިމިގްރޭޝަން ގުޅިގެން ވަނީ ޓާސްކްފޯސް އެއް އުފައްދަވައިފަ އެވެ. 

ނަމަވެސް މިފަހުން ފާހަގަވި ބައެއް ކަންކަމުގެ އަލީގައި، ރައީސްގެ އެންގެވުމުގެ މަތިން މިހާރު އެ ޓާސްކްފޯސްގެ ކޮމްޕޮޒިޝަން އިއްޔެ ބަދަލުކޮށްފައިވާ ކަމަށް ހޯމްލޭންޑް މިނިސްޓަރު އަލީ އިހުސާން ވިދާޅުވި އެވެ.

ބުނީ ކީކޭ؟ - ބިދޭސީންގެ މައްސަލަ ހައްލު ކުރުމާއި ކާބޯތަކެތީގެ ރައްކާތެރިކަން ގުޅޭގޮތުން މައުލޫމާތު ދިނުމަށްޓަކައި ތިން ވުޒާރާއިން ގުޅިގެން މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން މިނިސްޓަރު ވަނީ އެ ބަދަލުތަކުގެ އިތުރު މައުލޫމާތު ދެއްވާފަ އެވެ. އޭނާ ވިދާޅުވި ގޮތުގައި، އެ ބަދަލުގެ ދަށުން:

"އެހެންވީމަ މިއަދުން ފެށިގެން ޓާސްކްފޯސްގެ މަސައްކަތްތައް ހިނގަމުންދާ އިރު ހިނގަމުންދާނީ މި ހުރިހާ ޓާސްކްފޯސްއެއް އެއްކޮށް ކުރެވޭ މަސައްކަތެއްގެ ގޮތުގައި،" އިހުސާން ވިދާޅުވި އެވެ.

ރައީސުލްޖުމްހޫރިއްޔާގެ އިންސްޓްރަކްޝަނަކީ އަޅުގަނޑުމެން ގައުމީ މި ބޮޑު މައްސަލައަށް ހައްލު ހޯދުމަށްޓަކައި އެއް ވުޒާރާ އަނެއް ވުޒާރާއާ ގުޅިގެން ފަސޭހަކަމާ އެކު، އަވަސްކަމާ އެކު ރައްޔިތުންނަށް ދޭންޖެހޭ ހައްލު ހޯދުމަށްޓަކައި މަސައްކަތްތައް ރޭވުން،"

މިހާރު ވެސް ކުރިއަށް ގެންދާ ރެއިޑްތަކުގެ ތެރޭގައި، މިހާތަނަށް އަމަލުކުރަމުން އައި ގޮތަކީ އެތަންތަނުގައި ތިބޭ ބިދޭސީން ހައްޔަރުކޮށް، އިމިގްރޭޝަން ގާނޫނުގެ ތެރެއިން އެމީހުންނާ ދޭތެރޭ އަޅަންޖެހޭ ފިޔަވަޅު އެޅުން ކަމަށް އިހުސާން ވިދާޅުވި އެވެ. ނަމަވެސް، މިހާރު ޓާސްކްފޯސް އަށް ގެނެވުނު ބަދަލުގެ ތެރެއިން، އޭނާ ވިދާޅުވީ:

"ހަމަ އެގޮތަށް އާންމު ސިއްހަތަށް ގެއްލުންވާ ގޮތަށް އަޅުގަނޑުމެންނަށް ފާހަގަވާ ތަންތަން، އެއީ ބަދިގެއެއް ވިޔަސް ރެސްޓޯރަންޓެއް ވިޔަސް ކެފޭއެއް ގޮތުގައި ހިންގިޔަސް ނޫނީ ފިހާރައެއްގެ ފަހަތުގައި ހިންގަމުންދާ އަމަލެއް ވިޔަސް އެތަން އަޅުގަނޑުމެން ހެލްތު ޕްރޮޓެކްޝަން އޭޖެންސީގެ ދަށުން ބަންދުކޮށްފައި އަޅުގަނޑުމެން ތަޅުއަޅުވާނެ،" މިނިސްޓަރު ވިދާޅުވި ގޮތުގައި، އެފަދަ ތަންތަން ވެސް ދެން ހުޅުވޭނީ އުސޫލުތަކުގެ ދަށުން އެތަންތަން ވެސް ގަވައިދަށް ފެއްތުމުންނެވެ.

ޓާސްކްފޯސް އަށް އަލަށް އިތުރުކޮށްފައިވާ އެޗްޕީއޭ އާއި އެމްއެފްޑީއޭ އިން ކުރާނެ މަސައްކަތްތަކާ ބެހޭގޮތުން ހެލްތު މިނިސްޓަރު އަބްދުﷲ ހަލީލް ނޫސްވެރިންގެ ބައްދަލުވުމުގައި ވާހަކަދެއްކެވި އެވެ. އެގޮތުން އޭނާ ވިދާޅުވީ:

އިކޮނޮމިކް މިނިސްޓްރީގެ ފަރާތުން ރަޖިސްޓްރާ އޮފް ކޮމްޕެނީޒް މަރިޔަމް ވިސާމް ވަނީ ޓާސްކްފޯސްގައި މިނިސްޓްރީން އަދާކުރާ ދައުރާ ބެހޭގޮތުން ވާހަކަދައްކަވާފަ އެވެ. އޭނާ ވިދާޅުވި ގޮތުގައި:

"... އަމިއްލަ ފަރުދުންގެ ވިޔަފާރި ގާނޫނުގެ ދަށުން ވެސް ދިވެއްސެއްގެ ނިވާފަތްގަނޑުގައި ބިދޭސީ ފަރާތެއް މާލީ މަންފާ ހޯދަން އެއްވެސް ބާވަތެއްގެ މަސައްކަތެއް، ވިޔަފާރިއެއް ކުރުމަކީ މަނާކަމެއް." އެ ފަރާތްތަކާ މެދު ވެސް ޓާސްކްފޯސްގެ މަސައްކަތްތަކުގެ ދަށުން ފިޔަވަޅު އަޅާނެ ކަމަށް އޭނާ ވިދާޅުވި އެވެ.