މިނިސްޓަރު ޒަމީރު ބަހުރެއިންއަށް ކުރައްވަމުން ގެންދަވާ ދަތުރުގައި އެ ގައުމުގެ ވަލީ އަހުދާ ބައްދަލުކުރެއްވުން.
ރައީސް ބަހުރެއިންގެ ރަސްގެފާނަށް ފޮނުއްވި ސިޓީފުޅެއް ވަލީ އަހުދަށް އަރުވައިފި
ފޮރިން މިނިސްޓަރު މޫސާ ޒަމީރު ބަހުރެއިންގެ ވަލީ އަހުދު ސަލްމާން ބިން ހަމަދު އަލް ހަލީފާއާ މިއަދު ބައްދަލުކުރައްވައި ރައީސް މުހައްމަދު މުއިއްޒު އެ ގައުމުގެ ރަސްގެފާނަށް ފޮނުއްވި ސިޓީފުޅެއް އަރުވައިފި އެވެ.
ވީ ކިހިނެއް؟ - ބަހުރެއިން ސަރުކާރުގެ ދައުވަތަކަށް ރަސްމީ ދަތުރެއްގައި ޒަމީރު އެ ގައުމަށް ފުރާވަޑައިގެންނެވީ ރޭގެ ވަގުތެއްގަ އެވެ.
ތަފްސީލު - މިއަދު ބޭއްވި ބައްދަލުވުމުގައި ޒަމީރު ވަނީ ރައީސް މުއިއްޒު އެ ގައުމުގެ ރަސްގެފާނު ހަމަދު ބިން އީސާ އަލް ހަލީފާއަށް ފޮނުއްވި ސިޓީއެއް ބަހުރެއިންގެ ވަލީ އަހުދަށް އަރުވާފަ އެވެ.
އެ ބައްދަލުވުމުގައި ދެ ބޭފުޅުން ވަނީ ރާއްޖެ އާއި ބަހުރެއިންގެ ދެމެދުގައި އޮންނަ ހާރިޖީ ގުޅުން އިތުރަށް ބަދަހިކުރުމާ ބެހޭގޮތުން މަޝްވަރާކުރައްވާފަ އެވެ.