މާލެ ސަރަހައްދުގެ އުޅަނދު ލިމިޓާއި ބޭނުންކުރެވޭ މުއްދަތު ކަނޑައަޅަން ދިރާސާއެއް ފަށައިފި

އައިޔޫއެމްގެ ކަރިކިއުލަމް ޑިޕާޓްމަންޓާއި ޑޮކްޓޮރޭޓް ފަންތީގެ ބޭފުޅުން ހިމެނޭ ގޮތަށް އެ ޔުނިވާސިޓީގެ ބޮޑު ޓީމެއް ދިރާސާގެ މަސައްކަތުގައި އުޅޭނެ

ދިރާސާގެ ތެރެއިން އާންމުންނާއި ކަމާ ބެހޭ މުއައްސަސާތަކާ އިންޓަވިއު ކުރާނެ

ޓްރާންސްޕޯޓް މިނިސްޓްރީ އާއި ކަސްޓަމްސް ފަދަ އެކި އިދާރާތަކުން މިހާރު ލިބެންހުރި މައުލޫމާތަށް (މިސާލަކަށް އުޅަނދު ރަޖިސްޓްރީކޮށްފައިވާ މިންވަރާއި އެތެރެކުރާ އަދަދަށް) ވެސް ބަލާނެ

ތަރައްގީވެފައިވާ ބޭރުގެ ގައުމުތަކުން މިކަން ކުރާ ގޮތް ބަލައި މިސާލެއްގެ ގޮތުގައި ބޭނުންކުރާނެ

އެއްގަމު އުޅަނދު ދުއްވުމަށާއި ޕާކުކުރަން ހާއްސަކޮށްފައިވާ މަގުތަކާއި ސަރަހައްދުތަކުގެ ޖުމްލަ ބޮޑުމިން

އާންމު ދަތުރުފަތުރުގެ ނިޒާމު ހަމަޖެހިފައިވާ މިންވަރު

އުޅަނދު ދުއްވުމަށާއި ޕާކިންއަށް، މަގުތަކާއި ލޭނުތަކުގައި ޕާކުކުރާނެ ސަރަހައްދު އިތުރުކުރެވެން އޮތް މިންވަރު

އެއްގަމު އުޅަނދުތައް ބޭނުންކުރުމަށް އެކަށޭނެ އެންމެ ދިގު މުއްދަތާއި އާންމުކޮށް ބޭނުންކުރާ އެންމެ ދިގު މުއްދަތު

އާބާދީގެ ނިސްބަތުން އަމިއްލަ އުޅަނދު ބޭނުންކުރާ ނިސްބަތާއި ބާވަތްތައް

އާބާދީގެ ނިސްބަތުން އާންމު ދަތުރުފަތުރުގެ ނިޒާމު ބޭނުންކުރާ ނިސްބަތް

ބޭނުންކުރާ އެއްގަމު އުޅަނދުގެ އަދަދުން މާލޭގައި ސިނާއީ މަސައްކަތްތަކަށް ބޭނުންކުރާ އުޅަނދުގެ ނިސްބަތާއި ބާވަތްތައް

ކަނޑައަޅާ އުޅަނދުގެ އަދަދު އެ މިންވަރުގައި ހިފަހައްޓަން ވަސީލަތްތައް ގާއިމުކުރުމަށާއި އެ އަދަދާ އެއްގޮތަށް އުޅަނދު ރަޖިސްޓްރީ ކޮށްދިނުމުގެ އުސޫލު ތަންފީޒުކުރަން ބޭނުންވާ އިންސާނީ އަދި ފަންނީ ވަސީލަތްތައް ހުންނަން ޖެހޭ މިންގަނޑު

މާލޭގައި ބޭނުންކުރަން ރަޖިސްޓްރީކޮށްފައިވާ އުޅަނދުގެ އަދަދަކީ އަލަށް ކަނޑައަޅާ އަދަދުގެ ނިސްބަތަށްވުރެ އިތުރުވާ ނަމަ، އާ އަދަދުގެ ތެރޭގައި ހިފެހެއްޓުމަށްޓަކައި އުޅަނދުތައް އަލުން ރަޖިސްޓްރީ ކުރެވޭ ފަދަ ނިޒާމެއް އެކުލަވައިލުން

އުޅަނދު ބޭނުންކުރަން ކަނޑައަޅާ މުއްދަތު ހަމަވުމުން ވަގުތުން ރަޖިސްޓްރީ ބާތިލުކުރުމާއި އުޅަނދު ނައްތާލުން ފަދަ ކަންކަން ކުރުމުގެ ކުރިން ވެރިފަރާތަށް ގެއްލުން ކުޑަވާނެ ފިޔަވަޅުތައް ބުނެދިނުން؛ މިސާލަކަށް، މާލެ ނޫން ތަނަކަށް އެ އުޅަނދެއް ރަޖިސްޓްރީ ކުރުން ނުވަތަ ރާއްޖެއިން އެ އުޅަނދެއް އެކްސްޕޯޓު ކުރުން ފަދަ ކަންކަން