ކުންފުނިތަކަށް ވެރިިން ގިނަކޮށް އާދައިގެ މުވައްޒަފުން ވަކިކުރުން އިންސާފުވެރިއެއް ނޫން: އެމްޑީޕީ

ސަރުކާރު ހިއްސާވާ ކުންފުނިތަކުގެ އިސްވެރިންގެ ގޮތުގައި ސިޔާސީ ގޮތުން ގިނަ ބަޔަކު ހަމަޖެއްސުމަށް ފަހު އާންމު އާދައިގެ މުވައްޒަފުން ވަޒީފާއިން ވަކިކުރުން އިންސާފުވެރި ނޫން ކަމަށް ވެރިކަން ކުރާ އެމްޑީޕީން މިރޭ ބުނެފި އެވެ. 

އެނގުން މުހިންމު - ސަރުކާރުން މުވައްޒަފުން ވަކިކުރަމުންދާ ކަމަށް ބުނެ، އެކަން އިތުރަށް ދިރާސާކޮށް ސީދާ ހަރަކާތަށް ނުކުންނަން ޖެހިއްޖެ ނަމަ އެކަން ކުރުމަށް އެމްޑީޕީގެ ގައުމީ މަޖިލީހުގެ އިއްތިފާގުން ރޭ ވަނީ ގަރާރެއް ވެސް ފާސްކޮށްފަ އެވެ. އެގޮތުން:

ތަފްސީލް - ސަރުކާރު ހިއްސާވާ ކުންފުނިތަކުގައި ވަޒީފާ އަދާކުރާ ގިނަ މުވައްޒަފުންތަކެއް އެއްފަހަރާ ވަޒީފާތަކުން ވަކިކުރަމުންދާ ކަމަށް ބުނެ އެކަން ކުށްވެރިކޮށް މިރޭ އެމްޑީޕީން ވަނީ ބަޔާނެއް ވެސް ނެރެފަ އެވެ.

އެ ބަޔާނުގައި ބުނީ ރައީސް މުހައްމަދު މުއިއްޒުގެ ސަރުކާރުން މީހުން ވަޒީފާއިން ވަކިކުރަނީ ސަރުކާރު ހިއްސާވާ ކުންފުނިތަކުގައި ވަޒީފާ އަދާކުރަމުންދާ އެއްވެސް މުވައްޒަފެއް ވަޒީފާއިން ވަކިނުުކުރާނެ ކަމުގެ ޔަގީންކަން މިދިޔަ ރިޔާސީ އިންތިހާބުގެ ކެމްޕޭންތެރޭގައި ދިނުމަށްފަހު ކަމަށެވެ. އެހެންވެ، މިއީ ރައީސްގެ ރިޔާސީ ވައުދަކާ ހިލާފުވުން ކަމަށް ވެސް އެމްޑީޕީގެ ބަޔާނުގައި ސިފަކުރި އެވެ.

އެގޮތުން ބަޔާނުގައި ބުނީ:

އެހެންކަމުން ރައީސް މުއިއްޒު ރިޔާސީ ކެމްޕެއިންގައި ރައްޔިތުންނަށް ވީ ވައުދުތަކަކީ ރައްޔިތުންގެ ވޯޓު ހޯދުމަށްޓަކައި ހެދި ދޮގުތަކެއްކަން މިހާރު ދަނީ ސާބިތުވަމުން ކަމަށް ވެސް ބަޔާނުގައި ވެއެވެ. 

ފާހަގަކޮށްލެވޭ ކަމެއް - ސަރުކާރުގެ ކުންފުނިތަކުން މުވައްޒަފުން ވަކި ކުރަމުންދިއުން ހުއްޓާލަން ސަރުކާރަށް މީގެ ކުރިން ވެސް އެމްޑީޕީން ވަނީ ގޮވާލާފަ އެވެ.

ވަޒީފާތަކުން ވަކިކުރަމުންދާ ފަރާތްތަކުގެ ހައްގުގައި ވަޒީފާއާބެހޭ ޓްރައިބިއުނަލަށް މައްސަލަ ހުށަހެޅުމުގައި އެ ޕާޓީގެ ފަރާތުން އެހީތެރިކަން ފޯރުކޮށްދޭނެ ކަމަށް ވެސް އޭރު ބުނެފައި ވެއެވެ.