މިނިވަން ދުވަހާ ގުޅިގެން މިއަދު ކުރިއަށް ގެންދިޔަ ޕެރޭޑު (ފޮޓޯ/ރައީސް އޮފީސް)
މިނިވަން ދުވަހުގެ ޕެރޭޑް ބަލަން ގިނަ ބަޔަކު ނުކުމެއްޖެ
މި އަހަރުގެ މިނިވަން ދުވަސް ފާހަގަކުރުމަށް އިންތިޒާމްކުރި ޕެރޭޑް މާލޭގައި މިއަދު ބާއްވައިފި އެވެ.
ތަފްސީލް - އެމްއެންޑީއެފްގެ އަސްކަރީ ހަރަކާތްތައް ހިމެނޭ ޕެރޭޑާއި ގައުމީ ކެޑޭޓް ކޯގެ ޕެރޭޑާއި ރޫޓް މާޗް ބަލަން ގިނަ އަދަދެއްގެ މީހުން މަގުތަކަށް ނުކުތެވެ.
ރައީސް މުހައްމަދު މުއިއްޒު އާއި އެމަނިކުފާނުގެ އަނބިކަނބަލުން ސާޖިދާ މުހައްމަދުގެ އިތުރުން ވަޒީރުންނާއި ސަރުކާރުގެ އެހެން ބައެއް އިސްވެރިން ވެސް ޕެރޭޑް ބައްލަވާލެއްވި އެވެ.
މިދިޔަ 26 ޖުލައިގައި ފާހަގަކުރި މިނިވަން ދުވަހުގެ ޕެރޭޑް ބާއްވަން ފުރަތަމަ ނިންމީ މިދިޔަ ހުކުރު ދުވަހު އެވެ. ނަމަވެސް މޫސުން ގޯސްވުމުގެ ސަބަބުން އެ ހަރަކާތް ފަސްކުރީ އެވެ.
ފާހަގަކޮށްލެވޭ - މިނިވަން ދުވަހުގެ މުނާސަބަތުގައި އާއްމުކޮށް ކުރިއަށްގެންދާ ކުލަގަދަ ހަރަކާތްތަކާއި ފުޅަނދު ބުރު މި އަހަރު ނުބާއްވާ ގޮތަށް ސަރުކާރުން ވަނީ ނިންމައިފަ އެވެ.
އިގްތިސޯދީ ހާލަތު އޮތް ގޮތުން ހަރަދު ކުޑަކުރުމަށް ރައީސް މުއިއްޒު އެޅުއްވި އެ ފިޔަވަޅާ އެކު، މިފަހަރު މިނިވަން ދުވަސް ފާހަގަކުރީ ރަސްމީ ޖަލްސާ އާއި ޕެރޭޑުން އެކަންޏެވެ.
ކޮމެންޓް (1)
ހަސަން