ގަވާއިދާ ހިލާފަށް އުޅޭ ބިދޭސީން ހޯދަން އިމިގްރޭޝަނުން ކުރިއަށް ގެންދާ އޮޕަރޭޝަންގެ ދަށުން ބަލައިފާސްކުރި ތަނެއް. (ފޮޓޯ/ އިމިގްރޭޝަން)
4 ތަނަކުން ގަވާއިދާ ހިލާފަށް އުޅޭ 16 ބިދޭސީން ހައްޔަރުކޮށްފި
ގަވާއިދާ ހިލާފަށް އުޅޭ ބިދޭސީން ބަލައި ހޯދަން މާލޭގެ ހަތަރު ތަނެއް ބަލައި ފާސްކޮށް، 16 ބިދޭސީން އިމިގްރޭޝަންގެ ބެލުމުގެ ދަށަށް ރޭ ގެންގޮސްފި އެވެ.
ވީ ކިހިނެއް؟ - އިމިގްރޭޝަނުން ރޭ 'އެކްސް'ގައި ކުރި ޕޯސްޓެއްގައި ބުނީ އެ މީހުން ހައްޔަރުކުރީ އެ އިދާރާ އާއި ފުލުހުން ގުޅިގެން، ގަވާއިދާ ހިލާފަށް އުޅޭ ބިދޭސީން ހޯދަން ކުރިއަށް ގެންދިޔަ ހާއްސަ އޮޕަރޭޝަނެއްގަ އެވެ.
ތަފްސީލް - އިމިގްރޭޝަނުން ބުނީ އެ މީހުން އިމިގްރޭޝަންގެ ބެލުމުގެ ދަށަށް ގެންގޮސްފައިވަނީ ރޭގައި ކަމަށެވެ.
ގަވާއިދާ ހިލާފަށް އުޅޭ ބިދޭސީން ހޯދަން އިމިގްރޭޝަނުން ކުރިއަށް ގެންދާ ހާއްސަ އޮޕަރޭޝަންގެ ދަށުން މިހާތަނަށް:
-
2،000އަށް ވުރެ ގިނަ ބިދޭސީން ވަނީ ޑީޕޯޓްކޮށްފައި
-
ގިނަ އަދަދެއްގެ ބިދޭސީން އިމިގްރޭޝަންގެ ބެލުމުގެ ދަށުގައި އެބަތިބި
-
އެ މީހުން ޑީޕޯޓްކުރަން ކުރަން ޖެހޭ ކަންކަން ދަނީ ކުރަމުން
ފުލުހުންނާއި އިމިގްރޭޝަން ގުޅިގެން ހިންގަމުންދާ އޮޕަރޭޝަންތަކުގައި މިވަގުތު މައިގަނޑު ގޮތެއްގައި ޓާގެޓު ކުރަމުންދަނީ:
-
ހަށިވިއްކާ ތަންތަނަށް
-
ޓޭކަވޭ ކޮފީ ތަންތަނަށް
-
ބިދޭސީން ހިންގާ ކުދި ވިޔަފާރިތައް
-
ހިއުމަން ޓްރެފިކިން ނުވަތަ އިންސާނީ ވަގުފާރި ކަމަށް ޝައްކު ކުރެވޭ ކަންކަން
އެނގުން މުހިންމު - ގަވާއިދާ ހިލާފަށް އުޅޭ ބިދޭސީންގެ މައްސަލަތަކާއި އިމިގްރޭޝަނާ ގުޅުންހުރި މައްސަލަތައް ހުށަހަޅަން 'އިމިގްރޭޝަން ވޮޗު'ގެ ނަމުގައި ޕޯޓަލެއް ވެސް ވަނީ ތައާރަފްކޮށްފަ އެވެ.
އެ ޕޯޓަލް މެދުވެރިކޮށް:
-
ކޮންމެ މީހަކަށް ވެސް ގަވާއިދާ ހިލާފަށް އުޅޭ ބިދޭސީންގެ މައްސަލަ ރިޕޯޓުކުރެވޭނެ
-
ވަގަށް ރާއްޖެ އެތެރެވާން އުޅޭ ބިދޭސީންގެ މައްސަލަ ހުށަހެޅޭނެ
-
24 ގަޑިއިރު މައްސަލަ ރިޕޯޓު ކުރެވޭނެ
-
ފޮޓޯއާ އެކު މައުލޫމާތު ހުށަހެޅޭނެ
ކޮމެންޓް (1)
އިހުސާނު އަށް