ޕޮލިސް ކޮލެޖުގެ ދެ ދަރިވަރަކު އައިސީޔޫގައި؛ އެހެން އެންމެން ދޫކޮށްލައިފި

އައްޑޫގައި ހުންނަ ޕޮލިސް ކޮލެޖުގައި ތަމްރީން ހަދަމުން އަންނަ ގިނަ އަދަދެެއްގެ ދަރިވަރުންތަކެއް ހާލު ގޯސްވުމާ ގުޅިގެން ހޮސްޕިޓަލްގައި އެޑްމިޓްކޮށްގެން ފަރުވާދިން ދަރިވަރުންގެ ތެރެއިން ދެ މީހަކު ފިޔަވައި އެހެން އެންމެން ދޫކޮށްލައިފި ކަމަށް ފުލުހުން ބުނެފި އެވެ.

ވީ ކިހިނެއް؟ - ފުލުހުން ރޭ މީޑިއާތަކަށް ފޮނުވި މެސެޖެއްގައި ބުނި ގޮތުގައި:

ތަފްސީލް - ފުލުހުން މިއަދު ބުނީ އައިސީޔޫގައި ފަރުވާދެމުންދާ ދެ ދަރިވަރަކު ފިޔަވައި އެހެން ދަރިވަރުން މިހާރު ހޮސްޕިޓަލުން ދޫކޮށްލާފައިވާ ކަމަށެވެ.

އެކަމާ ގުޅިގެން 'ދައުރު'އިން ސުވާލު ކުރުމުން ފުލުހުންގެ ތަރުޖަމާނު، އެސިސްޓަންޓް ކޮމިޝަނާ އޮފް ޕޮލިސް އަހުމަދު ޝިފާން ރޭ ވިދާޅުވިގޮތުގައި، ޕޮލިސް ކޮލެޖުގައި ކިޔަވަމުން އަންނަ 200 އެއްހާ ދަރިވަރުންގެ ތެރެއިން 32 ދަރިވަރަކު ބަލިވެގެން ހޮސްޕިޓަލުގައި އޭރު އައީ ފަރުވާ ދެމުންނެވެ.

އަދި އޭރު އޭގެ ތެރެއިން އެއް ދަރިވަރެއްގެ ހާލު ތަންކޮޅެއް ސީރިއަސް ނަމަވެސް، ގިނަ ދަރިވަރުންގެ ހާލު އާދައިގެ ގޮތެއްގައި ރަނގަޅު ކަމަށް އޭނާ ވިދާޅުވި އެވެ.

އެ ދަރިވަރުން ބަލިވި ސަބަބެއް މިހާތަނަށް ޔަގީންނުވާ ކަމަށާއި އެކަން ދެނެގަތުމަށްޓަކައި ހޮސްޕިޓަލުން ޓެސްޓުތައް ހަދަމުން އަންނަ ކަމަށް ވެސް ޝިފާން ރޭ ވިދާޅުވި އެވެ. 

ފާހަގަކޮށްލެވޭ - ސޯޝަލް މީޑިއާގައި ހަބަރު ފެތުރެމުންދާ ގޮތުގައި އެ ދަރިވަރުންނަށް ފަރުވާ ދެމުންދަނީ ކާނާ ވިހަވެގެންނެވެ. ނަމަވެސް އެކަމާ މެދު ފުލުހުން އަދި ވަކި އެއްޗެއް ނުބުނެ އެވެ.