![](https://cdn.dhauru.com/s3/media/2024/07/16/565e01c4-70b7-4177-9575-49a5a7b6f2f9.jpg?fit=crop-50-50&w=1400&h=800)
ކޭއެފްސީ މާލޭ ރެސްޓޯރަންޓުގެ ބިއްލޫރިގަނޑު ތަޅާލާފައިވާއިރު ފުލުހުން އެތަން ކޯޑަންކޮށްފައި (ދައުރު ފޮޓޯ/އަބްދުﷲ އަނޫފު ޖުނައިދު)
މާލޭގައި ހިންގާ މަޝްހޫރު ފްރެންޗައިސް ރެސްޓޯރަންޓް، ކޭއެފްސީގެ ބިއްލޫރިގަނޑެއް ރޭ ދަންވަރު ބަޔަކު ތަޅާލައިފި އެވެ.
ވީ ކިހިނެއް؟ - ފުލުހުންގެ ތަރުޖަމާން އެސިސްޓެންޓް ކޮމިޝަނާ އޮފް ޕޮލިސް އަހުމަދު ޝިފާން މިއަދު 'ދައުރު'އަށް ވިދާޅުވީ ކޭއެފްސީ ރެސްޓޯރަންޓުގެ ބިއްލޫރިގަނޑެއް ތަޅާލާފައިވާ ކަމަށް ފުލުހުންނަށް މައުލޫމާތު ދީފައި ވަނީ ރޭ ދަންވަރު 3:06 އެހާއިރު ކަމަށެވެ.
"އެ މައުލޫމާތު އާންމު ފަރާތަކުން ގުޅައި ފުލުހުންނަށް ދީފައިވޭ،" ޝިފާން ވިދާޅުވި އެވެ.
ތަފްސީލް - ތަޅާލާފައި ވަނީ އަމީނީ މަގުގައި ހުންނަ ގާކޮށި ފްލެޓްތަކުގެ ތިރީގައި ހިންގާ ކޭއެފްސީ ރެސްޓޯރަންޓުގެ މަގަށް ވާ ގޮތަށް ހުންނަ ދޮރުގެ ބިއްލޫރިގަނޑެކެވެ. ބެލެވޭ ގޮތުގައި އެ ބިއްލޫރިގަނޑު ތަޅާލާފައި ވަނީ ގާބުރިއެއް ފަދަ އެއްޗެއް އެއްލައިގެންނެވެ.
![](https://cdn.dhauru.com/s3/media/2024/05/04/d7cdcf17-7798-4f20-8e76-5c855c67bae5.jpg?h=800)
އެ މައްސަލަ ތަހުގީގު ކުރަމުން އަންނަ ކަމަށް ފުލުހުން ބުންޏެވެ.
އެނގުން މުހިންމު - އެ ރެސްޓޯރަންޓް ޗެއިނުން އިޒްރޭލަށް އެހީތެރިވާ ކަމަށް ބުނެ ގާޒާ ހަނގުރާމަ ފެށުނު ފަހުން މާލޭގައި ވެސް ގުރޫޕަކުން އަންނަނީ، ކޭއެފްސީން ވިޔަފާރި ނުކުރުމަށް ގޮވާލާ އެތަނުގެ ކުރިމަތީ ދޭތެރެ ދޭތެރެއިން އަޑުއުފުލަމުންނެވެ. މީގެ އިތުރަށް ކޭއެފްސީން ވިޔަފާރި ނުކޮށް، އެތަން ބޮއިކޮޓް ކުރުމަށް ގޮވާލާ ޕޯސްޓަރު ފަދަ ތަކެތި ވެސް އެތަނުގެ ބޭރުގައި ދޭތެރެ ދޭތެރެއިން ހަރުކުރެ އެވެ.
ކޮމެންޓް (4)
ޔާހޫ
ޖޭމުގޭ އަހައްމާދީ
ބާގިރުގެ ޖާބިރު
ހިމާރުލްގައުމު